ەلوردادا 3 جاسار بالاسىن “استانا-1” ۆوكزالىنا تاستاپ كەتكەن 25 جاستاعى انا قاماۋعا الىنۋى مٷمكٸن, دەپ حابارلايدى Dalanews.kz.
Buzyq تەلەگرام ارناسىنىڭ مەلٸمەتٸنشە, ەيەل قاماۋعا الىنباعان جاعدايدا ايىپپۇل ارقالاۋى مٷمكٸن, نە قوعامدىق جۇمىستارعا تارتىلادى.
“بالاسىن “استانا” ۆوكزالىندا قالدىرعان 25 جاستاعى انا 45 كٷنگە قامالۋى مٷمكٸن (پسيحيكاسى ساۋ بولسا, ەرينە). بۇل — “قاۋiپتi جاعدايدا قالدىرۋ” بابىنىڭ بٸرٸنشٸ بٶلٸگٸنٸڭ ەڭ قاتاڭ جازاسى. قاماۋعا الماعان جاعدايدا 100 اەك مٶلشەرٸندە ايىپپۇل تٶلەيدٸ نەمەسە 120 ساعاتقا دەيٸن قوعامدىق جۇمىستارعا تارتىلادى”, — دەيدٸ Buzyq تەلەگرام ارناسى.
ارنا اقپاراتىنشا, ٷش جاسار بالا استانا قالاسى ەكٸمدٸگٸنٸڭ قيىن جاعدايداعى بالالاردى قولداۋ ورتالىعىنا جٸبەرٸلدٸ.
“وسى بالانى ٶتكەن اپتادا اناسى استانانىڭ ەسكٸ ۆوكزالىندا قالدىرىپ كەتتٸ. كەيبٸر دەرەكتەر بويىنشا, قالتاسىندا "بالادان باس تارتامىن" دەگەن قاعازى بولعان. قازٸر ول "بالالارعا قولداۋ كٶرسەتۋ ورتالىعىندا", — دەيدٸ دەرەككٶز.
ەسكە سالايىق, بالا تۋرالى اقپارات ەلەۋمەتتٸك جەلٸدە 5 قاڭتاردا پايدا بولدى. ساعات 18:00 شاماسىندا 3 جاستاعى بالاسىن ەسكٸ تەمٸرجول ۆوكزالىنا تاستاپ كەتكەن ەيەل ٸزدەستٸرٸلٸپ جاتقانى حابارلانعان بولاتىن.
“جەدەل-ٸزدەستٸرۋ ٸس-شارالارىنىڭ نەتيجەسٸندە استانا ۆوكزالىنداعى جەلٸلٸك پوليتسييا بٶلٸمٸنٸڭ قىزمەتكەرلەرٸ بالانىڭ اناسىن ٸزدەپ تاپتى. ول بۇرىن پسيحياترييالىق ديسپانسەردە ەسەپتە تۇرعانى بەلگٸلٸ بولدى. قازٸر سەبيدٸڭ اناسى پوليتسيياعا جەتكٸزٸلدٸ. قازٸرگٸ ۋاقىتتا سەبيدٸ قاۋٸپ-قاتەرگە قالدىرۋ فاكتٸسٸ بويىنشا تەرگەۋ جٷرگٸزٸلٸپ جاتىر”, - دەپ حابارلادى كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸ ازاتتىق رۋحى اگەنتتٸگٸنە بەرگەن تٷسٸنٸكتەمەسٸندە.
