ەلىمىزدە سوڭعى جىلدارى مەكتەپكە دەيىنگى جانە ورتا ءبىلىم بەرۋ سالاسىندا اۋقىمدى رەفورمالار جۇزەگە اسقانىن بىلەمىز. ىرگەلى وزگەرىستەردىڭ ماقساتى – ءبىلىم بەرۋ ساپاسىن ارتتىرۋ، قولجەتىمدىلىكتى قامتاماسىز ەتۋ جانە حالىقارالىق ستاندارتتارعا سايكەستەندىرۋدى كوزدەگەنى انىق.
قازىرگى تاڭدا ەلىمىزدە مەكتەپكە دەيىنگى ءبىلىم بەرۋ مەكەمەلەرىنىڭ تاپشىلىعى جويىلىپ، ەندىگى كەزەكتە ولاردىڭ جۇمىسىن جوعارى ساپاعا كوتەرۋ ءىسى كۇن تارتىبىنە شىقتى دەسەك بولادى.
قازىرگى تاڭدا قازاقستاندا 11 مىڭنان استام مەكتەپكە دەيىنگى ۇيىم جۇمىس ىستەپ، 1 ميلليونعا جۋىق بالا قامتىپ وتىر. ستاتايستيكالىق دەرەكتەرگە نازار اۋدارساق، ەل ىشىندە 2-دەن 6 جاسقا دەيىنگى بالالاردى بالاباقشامەن قامتۋ كورسەتكىشى 89،5%-دى قۇراعانىن بايقايمىز. الداعى ۋاقىتتا جاڭا بالاباقشالار اشۋ ارقىلى بۇل كورسەتكىشتى 95%-عا دەيىن جەتكىزۋ جوسپارلانىپ وتىر.
وسى رەتتە بالاباقشالاردىڭ سانىن ارتتىرۋ بارىسىندا مەكتەپكە دەيىنگى ۇيىمدارداعى ورىنداردى بولۋدە اشىقتىق پەن ايقىندىلىقتى قامتاماسىز ەتۋ ءىسى دە قاتار جۇرگەنى كوپشىلىككە جاقسى تانىس. ءقازىر ەلەمىزدە بالاباقشاعا كەزەككە قويۋدىڭ ءبىرىڭعاي دەرەكتەر بازاسى جۇمىس ىستەيدى.
وسىلايشا بۇل ءىسى ەل ازاماتتارىنىڭ قۇشاق-قۇشاق قۇجاتتار جيناۋ ىسىنەن قۇتاقارىپ، تىزىمگە قويۋ ءىسى تولىقتاي اۆتوماتتاندىرىلعانىن ايرىقشا اتاپ وتۋگە بولادى.
بۇل شارالار ءبىرىنشى كەزەكتە اتا-انالار ءۇشىن قولايلى جاعداي تۋعىزىپ، سىبايلاس جەمقورلىق تاۋەكەلدەرىن بارىنشا ازايتقانىن ايرىقشا اتاپ ءوتۋىمىز كەرەك.
2024 جىلدان باستاپ بالاباقشاعا كەزەككە تۇرۋدىڭ ءبىرىڭعاي بازاسى ىسكە قوسىلعان بولاتىن. بۇل جوبا پيلوتتىق رەجيمدە 2023 جىلدىڭ قازان ايىندا ىسكە قوسىلعان ەدى. بيىل قاڭتاردان باستاپ بۇكىل رەسپۋبليكا بويىنشا قولدانىلۋدا. اتا-انالاردىڭ ءبارى بۇعان ءدان ريزا.
ەلەكتروندىق جۇيەلەر ارقىلى اتا-انالار كەزەكتىڭ جىلجۋىن ونلاين رەجيمدە باقىلاپ، بوس ورىندار تۋرالى اقپاراتتى ۋاقىتىلى الا الادى. بۇل باعىتتاعى جۇمىستار قۇجاتتاردى جيناپ-تاپسىرۋ ءۇردىسىن جەڭىلدەتىلىپ، اتا-انالارعا ىڭعايلى جاعداي جاساعان.
ساراپشى ماماندار ەلىمىزدە بالاباقشاعا كەزەككە تۇرۋ جانە قابىلداۋ پروسەستەرىن اۆتوماتتاندىرۋ ءىسى مەكتەپكە دەيىنگى ءبىلىم بەرۋ سالاسىنىڭ تيىمدىلىگىن ارتتىرعانىن دا العا تارتىپ وتىر.
