ٶزگەرگٸسٸ كەلمەگەن ادام ٶسپەي قالادى. ادامدار ٶزگەرٸستٸ جەك كٶرەدٸ. بٸراق ٶزگەرٸسسٸز دامۋ, ٶركەندەۋ, جەتٸلۋ مٷمكٸن ەمەس.
دجون مەيسون
بار ادام ەلەمدٸ ٶزگەرتكٸسٸ كەلەدٸ. الايدا ەشكٸم ٶزٸن ٶزگەرتۋگە تالپىنبايدى. بولۋعا تيٸستٸ دەڭگەيگە وسى تۇرىسىمىزبەن جەتپەسٸمٸزدٸ اڭعارمايمىز.
مارقۇم استروناۆت دجەيمس يرۆين بىلاي دەگەن ەكەن: «ايعا قونۋ الدىن الا دايىندالعان عىلىمي باعدارلاما بولدى دەپ ويلايتىن شىعارسىز? جوق, ولاي ەمەس. بٸزدٸ تەك ايدىڭ باعىتىنا قاراي «لاقتىرىپ» جٸبەردٸ. ەر ون مينۋت سايىن باعىتىمىزدى رەتتەپ وتىرۋعا مەجبٷر بولدىق. دەگەنمەن مەجەلەگەن جەردەن بٸر جارىم مەترگە اۋىتقىپ بارىپ قوندىق. ال راديۋس 800 شاقىرىمنان اساتىن ەدٸ». ٶمٸردٸڭ ٶزٸ دە ايعا باراتىن ساياحاتتاي. تٷرلٸ نۇسقا مەن ٶزگەرٸستەرگە تولى. ٶزگەرٸستەن ارتىق تۇراقتىلىق تاپپايسىز.
«ەگەر جەلدٸڭ باعىتىن ٶزگەرتە الماساڭىز, جەلكەننٸڭ كٷيٸن ٶزگەرت» دەگەن ەكەن ماكس دە پري. قازٸرگٸ بولمىسىمىزدى ٶزگەرتۋگە ەرٸك-كٷشٸمٸزدٸ جۇمساماساق, بولۋعا تيٸستٸ ادامعا ٶزدٸگٸمٸزدەن اينالا سالمايمىز.
«ادام دا اعاش سەكٸلدٸ, ونىڭ ٶسۋٸنە كەدەرگٸ كەلتٸرەتٸن ارتىق-اۋىستى كەرتٸپ الىپ تاستاپ وتىرۋ وتقا جاعىپ تاستاعاننان ابزال» دەيدٸ دجون ترەپپ. جامان ەدەت ٶزدٸگٸنەن جويىلمايدى. ودان مٷلتٸكسٸز ەرەكەتپەن قۇتىلۋ قاجەت.
ورىندالعان تٸلەك جانعا مازا بەرەدٸ. بٸراق جاماندىقتان قۇتىلام دەپ ويلاۋ اقىماقتىق. داناگٶي كەيدە ٶز پٸكٸرٸن ٶزگەرتەدٸ. اقىماق ەشقاشان ٶزگەرتپەيدٸ. جوسپارىڭىزدى ٶزگەرتۋگە سەبەپشٸ جاعدايلارعا دايىن بولىڭىز. كەرەك كەزدە شەشٸمدٸ ٶزگەرتە بٸلۋ – دانالىقتىڭ بەلگٸسٸ. ەگەر ادام بۇرىس پٸكٸرٸن ۇزاق ۋاقىت بويى ايتا بەرسە, وندا سول پٸكٸردٸڭ دۇرىستىعىنا ٶزٸ سەنٸمدٸ بولا تٷسەدٸ. ەگەر سٸز ٶز كەمشٸلٸكتەرٸڭٸز بەن قاتەلٸكتەرٸڭٸزدٸ اقتاپ الۋعا تىرىسساڭىز, بۇل سٸزدٸڭ ولاردان باس تارتقىڭىز كەلمەيتٸنٸن كٶرسەتەدٸ. قىرسىق ادام ٶز پٸكٸرٸندە قالادى. وسى پٸكٸر ونى بايلاپ ۇستايدى.
جاڭا نەرسە ويلاپ تابا الماعان كەزدە تىم قۇرىماعاندا جاقسارتۋعا شامامىز كەلەدٸ عوي. «جاڭادان تابىلعان» دەگەن كەيدە كٶنەرگەن دٷنيەنٸ قايتا جاڭعىرتۋ ەكەنٸن كٶرٸپ جٷرمٸز. ادامنىڭ بەرٸ دامۋعا بەيٸمدٸ. بٸراق نەگە ەكەنٸن ٶزگەرٸستٸ ۇناتپايمىز. كٶپ ادام ٶزگەرٸسكە الدان جارىق كٶرگەندٸكتەن ەمەس, باقاي ەسەپتەن كەلٸسٸپ جاتادى.
ۇلى يدەيالار سەتتٸ بولۋى ٷشٸن ولاردى دا ٶزگەرتٸپ, جاڭارتىپ, قۇبىلتا بٸلۋ كەرەك. گەنري فورد ٶزٸنٸڭ العاشقى كٶلٸگٸندە كەرٸ جٷرٸس تەتٸگٸن ۇمىتىپ كەتٸپتٸ. ونىڭ قاتەلٸگٸن كٶپ ادام بٸلە بەرمەيدٸ. ال, جەتٸستٸگٸ تۋرالى بارشا ەل بٸلەدٸ. ەگەر جاساعان ٸسٸڭٸزدٸ كٷندەلٸكتٸ ٶزگەرٸسسٸز قايتالاي بەرسەڭٸز, جەتٸلۋ مەن دٸتتەگەنٸڭە قول جەتكٸزۋ مٷمكٸن ەمەس.
ٶزگەرٸس دەگەن بۇل جاقسىلىقتىڭ باسى. سونى ۇمىتپايىق.
دجون مەيسون
اۋدارعان شىنار ەبٸلدە
