ورتالىق كوممۋنيكاسيا قىزمەتىندە وسى تۋرالى ەگجەي-تەگجەيلى ايتقان دارىگەر، پروفيلاكتيكالىق مەديسينا اكادەمياسىنىڭ پرەزيدەنتى، امەريكاندىق دەنساۋلىق قاۋىمداستىعىنىڭ مۇشەسى الماز شارمان حالىقتى ۆاكسينا الۋعا شاقىردى دەپ حابارلايدى Dalanews.kz.
ونىڭ ايتۋىنشا كارانتيندىك شارالار جەڭىلدەتىلگەن جاعدايدا ۆاكسيناسيالاۋ پروسەسى كوروناۆيرۋستىڭ اسا جۇقپالى، ۆاكسيناعا ءتوزىمدى جاڭا شتامدارىنىڭ قالىپتاسۋىنا اكەلەدى. بۇل بۇگىندە ازىرلەنگەن ءتيىمدى ۆاكسينالار تۇرىندەگى سەلەكسيالىق قىسىم جاعدايىندا ۆيرۋستىڭ تىرشىلىك ەتۋىنىڭ تابيعي پروسەسى.
"ازاماتتاردىڭ باسىم بولىگى – شامامەن 80 پايىزى ۆاكسينا المايىنشا كارانتيندى جەڭىلدەتۋگە بولمايدى. ايتپەسە، جاڭا تولقىندار، جاڭا ىندەتتەرمەن ۇدايى كۇرەسەتىن بولامىز. كارانتيندى السىرەتسەك ۆاكسينالارعا ءتوزىمدى جاڭا نۇسقالاردىڭ - جوعارى جۇقپالى كوروناۆيرۋس شتامدارى پايدا بولادى"، – دەدى ول.
ماماننىڭ پىكىرىنشە، ۆاكسيناسياسىز ءبىز ءارقاشان قاتاڭ كارانتين جاعدايىندا ءومىر سۇرەتىنىمىزدى ءتۇسىنۋ كەرەكپىز.
"ىندەتكە قارسى شارالاردى جەڭىلدەتۋدى كوروناۆيرۋسقا قارسى ەكپە جاساتىپ قانا قول جەتكىزەمىز. وكىنىشكە قاراي، قازاقستان ازاماتتارىنىڭ 80 پايىزى ۆاكسينانىڭ قاجەتتى دوزاسىن العان جوق!
كوپتەگەن ادامدار پوپۋليستەردىڭ ايتقانىنا ەرىپ ءجۇر، ايتا كەتەيىك، ولار ۆاكسيناسياعا قارسى ارەكەتتەرىمەن جاقسى تابىس تابۋدا. الايدا، «قالاي؟» دەگەن زاڭدى سۇراق تۋىندايدى. كوپتەگەن وتانداستارىنىڭ دەنساۋلىعى مەن ءومىرىن قيۋ ارقىلى...
مۇندايلار ۆاكسينالاردىڭ قاۋىپسىزدىگى مەن ورىندىلىعىنا كۇمان كەلتىرە وتىرىپ، شىندىقتى انىقتاۋعا تىرىسپايدى، بىربەتكەي، تەك ءبىرجاقتى باعا بەرەدى. اينالادا قاراما-قايشى اقپارات كوپ بولعان كەزدە دەنساۋلىعىڭىزعا قاتىستى ۇتىمدى شەشىم قابىلداۋ وڭاي ەمەس.
مەن بارشاڭىزدى ۆاكسيناسيا تۋرالى ويدان شىعارىلعان جانە نەگىزسىز قاۋەسەتتەردىڭ ورنىنا عىلىمي شىندىققا سەنۋگە شاقىرامىن"، – دەدى شارمان.
ماماندار ۆاكسينا ىندەتتەن 100% قورعاماسا دا، اۋرۋ اعىمىنىڭ اۋىر بولۋىنان ساقتايدى دەيدى. دارىگەرلەردىڭ ايتۋىنشا، ءقاۋىپتى دەرتتىڭ قۇرىعىنا ىلىنگەندەر- ەكپە الماعاندار.
