مەملەكەتتٸك قىزمەت كٶرسەتۋ سالاسىندا 2019-2021 جىلدار ارالىعىندا 222 سىبايلاس جەمقورلىق قۇقىق بۇزۋشىلىق تٸركەلٸپ, 122 ادام قىلمىستىق جاۋاپكەرشٸلٸككە تارتىلدى. كەڭەس مٷشەسٸ, جۇمىس توبىنىڭ جەتەكشٸسٸ عالىم بايتوقتىڭ ايتۋىنشا, ينسپەكتسييا بارىسىندا بٸرقاتار سىبايلاس جەمقورلىق تەۋەكەلدەرٸ انىقتالدى. ونىڭ ٸشٸندە مەملەكەتتٸك ساتىپ الۋ سالاسى دا بار.
– مەملەكەتتٸك كورپوراتسييا 2019 جىلى 37,7 ملرد تەڭگەگە ساتىپ الۋ جٷرگٸزدٸ. بۇل سومانىڭ 70%-دان استامى تٸكەلەي بٸر كٶزدەن الىنعان. ساتىپ الۋ تۋرالى 10 مىڭ شارتتا 4 مىڭنان استام تەۋەكەل انىقتالعان. كونكۋرستاردا 705 جەتكٸزۋشٸ تەندەرلەردٸ باسقالارعا قاراعاندا جيٸ ۇتىپ العان, 2 مىڭنان استام كەلٸسٸمشارتتا باعالار جوعارى كٶرسەتٸلگەن, جەتكٸزۋ مەرزٸمٸ قىسقا. سونىمەن قاتار, كورپوراتسييا بيۋدجەتتٸ تيٸمسٸز جوسپارلاۋ بويىنشا انتيرەيتينگتە 1-شٸ ورىنعا شىقتى, – دەدٸ عالىم بايتوق.
كەڭەس تٶراعاسى, مەجٸلٸس دەپۋتاتى ەرلان سايروۆ تا ٶزەكتٸ مەسەلەنٸ كٶتەردٸ. ول حالىققا قىزمەت كٶرسەتۋ ورتالىقتارىنىڭ قىزمەتتەرٸ قالالارعا قاراعاندا اۋىل تۇرعىندارى ٷشٸن قولجەتٸمدٸ ەمەستٸگٸن العا تارتتى.
– اۋدان ورتالىقتارىنان 200-300 شاقىرىم جەردە ورنالاسقان شاعىن اۋىلدار بار. اۋىل تۇرعىندارىنا ول جاققا قاتىناۋ قيىن. بۇل ەسٸرەسە, شەكارالاس اۋدانداردا ٶزەكتٸ. شەشٸمٸن تابۋى تيٸس تاعى بٸر مەسەلە – بارلىق جەردە قاپتاپ جٷرگەن «دەلدالدار». ازاماتتاردىڭ سەنگٸشتٸگٸن نەمەسە قاراپايىم حالىقتىڭ بٸر بٶلٸگٸ, ەسٸرەسە, زەينەتكەرلەردٸڭ ەلەكتروندى گادجەتتەرمەن جۇمىس ٸستەي المايتىنىن پايدالاناتىن «پىسىقايلار» بار, – دەدٸ ەرلان سايروۆ.
بۇعان جاۋاپ رەتٸندە «ازاماتتارعا ارنالعان ٷكٸمەت» مك» كەاق باسقارما تٶراعاسى ەدٸل قوجيحوۆ بٷگٸندە ينتەرنەتكە قول جەتكٸزۋ قيىندىق تۋعىزاتىن شالعاي ەلدٸ مەكەندەرگە ارنايى باراتىن 69 موبيلدٸك حقكو جۇمىس ٸستەيتٸنٸن اتاپ ٶتتٸ. سونداي-اق, ول كەڭەس مٷشەلەرٸن سىبايلاس جەمقورلىق تەۋەكەلدەرٸن تٶمەندەتۋ ٷشٸن قابىلدانىپ جاتقان شارالار تۋرالى حاباردار ەتتٸ.
– بٸز سىبايلاس جەمقورلىققا قارسى ٸشكٸ ستاندارتتى ەزٸرلەدٸك, 5 مىڭعا جۋىق تٷرلٸ الدىن الۋ ٸس-شاراسىن ٶتكٸزدٸك. مۇنداي ٸس-شارالاردىڭ بٸرازى «Nur Otan» پارتيياسىمەن جەنە قۇقىق قورعاۋ ورگاندارىمەن بٸرلەسٸپ ٶتكٸزٸلدٸ. «جاسىرىن ساتىپ الۋشى» ەدٸسٸمەن جٷرگٸزٸلگەن ٸشكٸ تەكسەرۋلەردٸڭ نەتيجەسٸندە دەربەس دەرەكتەردٸ ٷشٸنشٸ تۇلعاعا بەرۋدٸڭ 23 فاكتٸسٸ انىقتالدى, – دەدٸ ەدٸل قوجيحوۆ.
سونداي-اق, جيىن بارىسىندا پارتييا مٷشەلەرٸ 200 مىڭنان استام تۇرعىنى بار تٷركٸستان وبلىسىنىڭ سايرام اۋدانىندا بٸر عانا حالىققا قىزمەت كٶرسەتۋ ورتالىعى جۇمىس ٸستەيتٸنٸنە نازار اۋداردى. مەملەكەتتٸك كورپوراتسيياعا ەكٸنشٸ ورتالىق اشۋ مەسەلەسٸن پىسىقتاۋ ۇسىنىلدى.
سونىمەن قاتار, كەڭەس مٷشەلەرٸ مەملەكەتتٸك قىزمەت كٶرسەتۋ جٷيەسٸن جەتٸلدٸرۋ ماقساتىندا قولدانىستاعى زاڭناماعا ٶزگەرٸستەر ەنگٸزۋدٸ ۇسىندى.
– مەديتسينالىق مەكەمە قىزمەتكەرلەرٸنٸڭ قىزمەت كٶرسەتۋ مەرزٸمٸن ساقتاماۋىنىڭ سالدارىنان حالىقتى ەمحانالارعا تٸركەۋ كەزٸندە مەرزٸمٸن ٶتكٸزٸپ الۋ مەسەلەسٸ جيٸ كەزدەسەدٸ. بۇل جالعىز مەكەمەدە كەزدەسەتٸن جاعداي ەمەس. مۇنداي مىسالدار كٶپ. مەملەكەتتٸك قىزمەتتەردٸ ۋاقتىلى كٶرسەتپەگەنٸ, ەلەكتروندىق قۇجاتتاردى قابىلداۋدان باس تارتقانى ٷشٸن, سونداي-اق اقپاراتتىق سەرۆيستەردٸڭ, ونىڭ ٸشٸندە egov.kz پورتالىنىڭ جۇمىسىنداعى ٸركٸلٸستەر ٷشٸن ەكٸمشٸلٸك جاۋاپكەرشٸلٸك ەنگٸزگەن جٶن, – دەدٸ عالىم بايتوق.
جيىن قورىتىندىسىندا «Nur Otan» پارتيياسى جانىنداعى سىبايلاس جەمقورلىققا قارسى ٸس-قيمىل جٶنٸندەگٸ رەسپۋبليكالىق قوعامدىق كەڭەس «ازاماتتارعا ارنالعان ٷكٸمەت» مەملەكەتتٸك كورپوراتسيياسىنان جەنە ۋەكٸلەتتٸ مەملەكەتتٸك ورگانداردان بارلىق ايتىلعان مەسەلەلەردٸ باقىلاۋعا الۋدى جەنە ولاردى شەشۋ بويىنشا ناقتى ۇسىنىستار ەنگٸزۋدٸ تالاپ ەتتٸ.
