Memlekettik qyzmet kórsetý salasynda 2019-2021 jyldar aralyǵynda 222 sybailas jemqorlyq quqyq buzýshylyq tirkelip, 122 adam qylmystyq jaýapkershilikke tartyldy. Keńes múshesi, jumys tobynyń jetekshisi Ǵalym Baitoqtyń aitýynsha, inspektsiia barysynda birqatar sybailas jemqorlyq táýekelderi anyqtaldy. Onyń ishinde memlekettik satyp alý salasy da bar.
– Memlekettik korporatsiia 2019 jyly 37,7 mlrd teńgege satyp alý júrgizdi. Bul somanyń 70%-dan astamy tikelei bir kózden alynǵan. Satyp alý týraly 10 myń shartta 4 myńnan astam táýekel anyqtalǵan. Konkýrstarda 705 jetkizýshi tenderlerdi basqalarǵa qaraǵanda jii utyp alǵan, 2 myńnan astam kelisimshartta baǵalar joǵary kórsetilgen, jetkizý merzimi qysqa. Sonymen qatar, korporatsiia biýdjetti tiimsiz josparlaý boiynsha antireitingte 1-shi orynǵa shyqty, – dedi Ǵalym Baitoq.
Keńes tóraǵasy, Májilis depýtaty Erlan Sairov ta ózekti máseleni kóterdi. Ol Halyqqa qyzmet kórsetý ortalyqtarynyń qyzmetteri qalalarǵa qaraǵanda aýyl turǵyndary úshin qoljetimdi emestigin alǵa tartty.
– Aýdan ortalyqtarynan 200-300 shaqyrym jerde ornalasqan shaǵyn aýyldar bar. Aýyl turǵyndaryna ol jaqqa qatynaý qiyn. Bul ásirese, shekaralas aýdandarda ózekti. Sheshimin tabýy tiis taǵy bir másele – barlyq jerde qaptap júrgen «deldaldar». Azamattardyń sengishtigin nemese qarapaiym halyqtyń bir bóligi, ásirese, zeinetkerlerdiń elektrondy gadjettermen jumys istei almaitynyn paidalanatyn «pysyqailar» bar, – dedi Erlan Sairov.
Buǵan jaýap retinde «Azamattarǵa arnalǵan úkimet» MK» KEAQ basqarma tóraǵasy Ádil Qojihov búginde Internetke qol jetkizý qiyndyq týǵyzatyn shalǵai eldi mekenderge arnaiy baratyn 69 mobildik HQKO jumys isteitinin atap ótti. Sondai-aq, ol Keńes múshelerin sybailas jemqorlyq táýekelderin tómendetý úshin qabyldanyp jatqan sharalar týraly habardar etti.
– Biz sybailas jemqorlyqqa qarsy ishki standartty ázirledik, 5 myńǵa jýyq túrli aldyn alý is-sharasyn ótkizdik. Mundai is-sharalardyń birazy «Nur Otan» partiiasymen jáne quqyq qorǵaý organdarymen birlesip ótkizildi. «Jasyryn satyp alýshy» ádisimen júrgizilgen ishki tekserýlerdiń nátijesinde derbes derekterdi úshinshi tulǵaǵa berýdiń 23 faktisi anyqtaldy, – dedi Ádil Qojihov.
Sondai-aq, jiyn barysynda partiia músheleri 200 myńnan astam turǵyny bar Túrkistan oblysynyń Sairam aýdanynda bir ǵana halyqqa qyzmet kórsetý ortalyǵy jumys isteitinine nazar aýdardy. Memlekettik korporatsiiaǵa ekinshi ortalyq ashý máselesin pysyqtaý usynyldy.
Sonymen qatar, Keńes músheleri memlekettik qyzmet kórsetý júiesin jetildirý maqsatynda qoldanystaǵy zańnamaǵa ózgerister engizýdi usyndy.
– Meditsinalyq mekeme qyzmetkerleriniń qyzmet kórsetý merzimin saqtamaýynyń saldarynan halyqty emhanalarǵa tirkeý kezinde merzimin ótkizip alý máselesi jii kezdesedi. Bul jalǵyz mekemede kezdesetin jaǵdai emes. Mundai mysaldar kóp. Memlekettik qyzmetterdi ýaqtyly kórsetpegeni, elektrondyq qujattardy qabyldaýdan bas tartqany úshin, sondai-aq aqparattyq servisterdiń, onyń ishinde egov.kz portalynyń jumysyndaǵy irkilister úshin ákimshilik jaýapkershilik engizgen jón, – dedi Ǵalym Baitoq.
Jiyn qorytyndysynda «Nur Otan» partiiasy janyndaǵy Sybailas jemqorlyqqa qarsy is-qimyl jónindegi respýblikalyq qoǵamdyq keńes «Azamattarǵa arnalǵan úkimet» memlekettik korporatsiiasynan jáne ýákiletti memlekettik organdardan barlyq aitylǵan máselelerdi baqylaýǵa alýdy jáne olardy sheshý boiynsha naqty usynystar engizýdi talap etti.
