الايدا بۇعان باعىنۋدان وزگە امالى جوق. سەبەبى سەزد شەشىمى سونداي.
الىبايەۆ پىكىرىنشە قازىرگى جۇيەمەن ۇزەڭگى قاعىستىرۋ مۇمكىن ەمەس. بيلىك داۋىستى تارتىپ الۋدان تايىنبايدى. ولسە دە ورنىن بوساتپايدى. وپپوزيسيانىڭ تۇقىمىن تۇزداي قۇرتۋدى كوزدەيدى. جسدپ-دان وزگە ساياسي پارتيالاردىڭ بارلىعى قۋىرشاق.
“ادالدىڭ” اتى زاتىنا ساي ەمەس. اسىعىس-ۇسىگىس اتاۋىن وزگەرتكەن كوممۋنيستەر دە بيلىك جوباسى. وسىنىڭ ءبارىن حالىقتىڭ كوزىن باقىرايتىپ قويىپ جۇزەگە اسىردى. ۇيات قايدا، ۇيات؟
بيلىك سايلاۋدىڭ سەناريينىڭ الدەقاشان ازىرلەپ قويعان. كىمگە قانداي پايىز، قانشا ورىن بەرىلەتىنى كۇنى بۇرىن بەلگىلەنگەن.
داۋىس ۇرلاۋ بۇگىنگى جۇيە ءۇشىن قالىپتى ءۇردىس. سايلاۋ ناتيجەسى بيلىكتىڭ ۇشار باسىنداعى ات توبەلىندەي توپقا جۇمباق ەمەس. جۇرتتى جىندى قىلىپ وتىر.
ءوز باسىم بويكوت دەگەنگە جان-تانىممەن قارسىمىن. الايدا امال قايسى، بۇل پارتيادا جالعىز مەنىڭ داۋسىم ەشتەڭە شەشپەيدى.
كوپشىلىك بار، كوپتىڭ ءسوزى بار. ولاردان اسىپ كەتە المايمىن. جاعدايدى قابىلداۋدان وزگە جول جوق. قايتالاپ ايتايىن، بويكوتتى قۇپتامايمىن، الايدا سەزدە قابىلدانعان ورتاق شەشىمدى قابىلدايمىن”، – دەدى الىبايەۆ.
ايتا كەتەلىك بۇعان دەيىن جسدپ-نىڭ سايلاۋعا قاتىسپايتىنىن حابارلاعانبىز. بۇعان قوسا پارتيا مۇشەلەرى سايلاۋ ناۋقانىن باقىلاۋدان دا باس تارتتى.
پارتيا ءتوراعاسى مۇنى بيلىكتىڭ جسدپ-نى پايدالانىپ، سايلاۋشىلاردىڭ سانىن كوبەيتكىسى كەلەتىنىمەن ءتۇسىندىردى.
