Alaida buǵan baǵynýdan ózge amaly joq. Sebebi sezd sheshimi sondai.
Álibaev pikirinshe qazirgi júiemen úzeńgi qaǵystyrý múmkin emes. Bilik daýysty tartyp alýdan taiynbaidy. Ólse de ornyn bosatpaidy. Oppozitsiianyń tuqymyn tuzdai qurtýdy kózdeidi. JSDP-dan ózge saiasi partiialardyń barlyǵy qýyrshaq.
“Adaldyń” aty zatyna sai emes. Asyǵys-úsigis ataýyn ózgertken kommýnister de bilik jobasy. Osynyń bárin halyqtyń kózin baqyraityp qoiyp júzege asyrdy. Uiat qaida, uiat?
Bilik sailaýdyń stsenariiniń áldeqashan ázirlep qoiǵan. Kimge qandai paiyz, qansha oryn beriletini kúni buryn belgilengen.
Daýys urlaý búgingi júie úshin qalypty úrdis. Sailaý nátijesi biliktiń ushar basyndaǵy at tóbelindei topqa jumbaq emes. Jurtty jyndy qylyp otyr.
Óz basym boikot degenge jan-tánimmen qarsymyn. Alaida amal qaisy, bul partiiada jalǵyz meniń daýsym eshteńe sheshpeidi.
Kópshilik bar, kóptiń sózi bar. Olardan asyp kete almaimyn. Jaǵdaidy qabyldaýdan ózge jol joq. Qaitalap aitaiyn, boikotty quptamaimyn, alaida sezde qabyldanǵan ortaq sheshimdi qabyldaimyn”, – dedi Álibaev.
Aita ketelik buǵan deiin JSDP-nyń sailaýǵa qatyspaitynyn habarlaǵanbyz. Buǵan qosa partiia músheleri sailaý naýqanyn baqylaýdan da bas tartty.
Partiia tóraǵasy muny biliktiń JSDP-ny paidalanyp, sailaýshylardyń sanyn kóbeitkisi keletinimen túsindirdi.
