«تۇركىستان» الەۋمەتتىك-كاسىپكەرلىك كورپوراسياسى» اكسيونەرلىك قوعامىنىڭ كەڭسەسى جانىنان بۇگىندە «TURKISTAN INVEST»، «سيفرلاندىرۋ ورتالىعى» جانە «تۇراقتاندىرۋ قورى» فيليالدارى قۇرىلعان.

قازىرگى تاڭدا «تۇركىستان» اكك» اق – قۇرىلىس، الەۋمەتتىك ماڭىزدى جوبالار، تۋريزم، ينۆەستيسيا تارتۋ، سيفرلاندىرۋ، تۇراقتاندىرۋ قورى سىندى باعىتتار بويىنشا جۇمىس اتقارادى. بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە “تۇركىستان” اكك” اق ءتوراعاسى ايتمۇحاممەد الداجاروۆ مالىمدەدى

جيىندا TURKISTAN INVEST كومپانياسىنىڭ باسشىسى الىبەك نەسىپبەكوۆ تۇركىستان وبلىسىندا قولايلى ينۆەستيسيالىق جاعداي جاساپ، ءوڭىردىڭ ينۆەستيسيالىق الەۋەتىن كوتەرۋ ماقساتىندا قۇرىلعان «TURKISTAN INVEST» ينۆەستيسيالىق كومپانياسىنىڭ جۇمىسىمەن تانىستىردى.

«قازىرگى تاڭدا «TURKISTAN INVEST» كومپانياسىندا وبلىسقا جالپى قۇنى 507 ملرد. تەنگەنى قۇرايتىن 19 جاڭا ءىرى جوبانى تارتۋ بويىنشا جۇمىستار باستالدى. ونىڭ ىشىندە، بالامالى ەلەكتر ەنەرگياسىن ءوندىرۋ بويىنشا – 6، اۋىلشارۋاشىلىق سالاسىنا قاتىستى – 5، وڭدەۋ ونەركاسىبىنە قاتىستى 8 جوبا بار. 4 كاسىپورىننىڭ بيىل قۇرىلىسى باستالدى. بارلىق جوبالاردى جۇزەگە اسىرۋ اياسىندا 14 مىڭعا جۋىق جاڭا جۇمىس ورىندارى پايدا بولادى دەپ جوسپارلانۋدا. ولاردىڭ قاتارىندا جالپى قۇنى 13 240 ملن. تەڭگەلىك «ەكوپروتەح-استانا» ج ش س كۇن ەلەكتروستانسياسى – 20 ادامدى، قۇنى 95 000 ملن. تەڭگەنى قۇرايتىن «Standard Petroleum & Co» ج ش س مۇناي وڭدەۋ زاۋىتى – 1 000 ادامدى جۇمىسپەن قامتىماق»، – دەدى الىبەك ەرمۇحان ۇلى.

سونىمەن قاتار، ينۆەستيسيالىق كومپانيا تاراپىنان الەۋەتتى ينۆەستورلارعا اقپاراتتىق قولداۋ كورسەتۋ ماقساتىندا «InvestInTurkistan.org» ينۆەستيسيالىق پورتالى ازىرلەنگەن. ونداعى اقپارات اعىلشىن، فرانسۋز، جۇڭگو،تۇرىك، اراب، ورىس جانە قازاق تىلدەرىن كورسەتىلگەن. بۇل پورتالدىڭ كومەگىمەن ينۆەستور الەمنىڭ كەز-كەلگەن بۇرىشىنان، كەز-كەلگەن ۋاقىتتا وزىنە قاجەتتى وڭىرىمىزدەگى ينۆەستيسياعا قاتىسى بار اقپاراتتى الۋ مۇمكىندىگىنە يە بولادى.