ەلباسىنىڭ باسپا ءسوز حاتشىسى ايدوس ۇكىباي نۇرسۇلتان نازاربايەۆتىڭ دەنساۋلىعى ناشار دەگەن قاۋەسەتتى جوققا شىعاردى، دەپ حابارلايدى Dalanews.kz.
"كەشە قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ ايماق باسشىلارىمەن بىرنەشە رەت تەلەفون ارقىلى بايلانىسقا شىقتى، الدىمەن توتەنشە جاعداي كەزىندەگى قوعامدىق قاۋىپسىزدىكتى قامتاماسىز ەتۋدىڭ وزەكتى ماسەلەلەرى تالقىلاندى.
قاتاڭ كارانتين جاعدايىندا ەلباسىنىڭ جۇمىس كەڭسەسىنە كىرۋ شەكتەۋلى ەكەنىن ءتۇسىنۋ كەرەك. ءبىراق، وسىنداي شەكتەۋلەرگە قاراماستان باسپا ءسوز قىزمەتى حالىقتى تۇڭعىش پرەزيدەنتتىڭ قىزمەتى تۋرالى ۋاقتىلى حاباردار ەتىپ وتىرۋعا تىرىسادى.
ءبىز ەشقاشان وسەڭ-اياڭعا قاتىستى تۇسىنىك بەرگەن جوقپىز. الايدا سوڭعى ۋاقىتتا بەلگىلى ءبىر جەكە تۇلعالار ەلدەگى جاعدايدى تۇراقسىزداندىرۋعا بەلسەندى تۇردە تىرىسۋدا، سونىڭ ىشىندە ەلباسىنىڭ دەنساۋلىعى تۋرالى جاڭساق مالىمەتتەر تاراتۋ ارقىلى دا. مۇنىڭ ءبارى - ارانداتۋ جانە تازا وتىرىك.
بۇگىندەرى نۇرسۇلتان نازاربايەۆتىڭ دەنساۋلىعى مىقتى، وتانىمىزدىڭ يگىلىگى ءۇشىن، ءتىپتى كارانتين جاعدايىندا دا جۇمىس ىستەۋىن جالعاستىرۋدا ەكەنىن ايتا وتىرىپ، مەن سىزدەردى وسىعان سەندىرگىم كەلەدى.
ەگەر كىم دە كىمدە بۇعان كۇماندانسا، وندا كەشە ەلباسىمەن سويلەسكەن اكىمدەردىڭ بىرىنەن بۇل تۋرالى سۇراپ ءبىلسىن.
بارلىق شەكتەۋلەر الىنىپ تاستالعاننان كەيىن تۇڭعىش پرەزيدەنتتىڭ قاتىسۋىمەن وتەتىن جۇمىس كەزدەسۋلەرىنەن نەمەسە جيىننان جەكەلەي ۆيدەو تۇسىرۋگە ۋادە بەرەمىن. ءسوز سوڭىندا، باسقانىڭ ءسوزىن ەستۋگە كەلگەندە ساڭىراۋ، باسقانىڭ قاسىرەتىن كورۋگە كەلگەندە مەڭىرەۋ بولا قالاتىن ادامداردىڭ ءتىلى سۋماڭ، نيەتى جامان بولادى دەپ ايتقىم كەلەدى"، - دەدى ايدوس ۇكىباي.
