اتالعان باعدارلاما اياسىندا شاعىن كاسىپكەرلىكتى شاعىن نەسيەلەۋ قارجىلاي قولداۋدىڭ ءبىر باعىتى بولىپ بەكىتىلگەن-دى. باعدارلامانىڭ نەگىزگى ماقساتتارىنىڭ ءبىرى ايماقتىق كاسىپكەرلىكتى دامىتۋ جانە جاڭا جۇمىس ورىندارىن قۇرۋ بولىپ تابىلادى.
ول ءۇشىن 2016 جىلى رەسپۋبليكالىق بيۋدجەتتەن 2 ملرد. 647 ملن. تەڭگە بولىنگەن. الداعى 2017-2018 جىلدارى دا وسى كولەمدە قارجىنى يگەرۋ جوسپارلانىپ وتىر. اتالعان نەسيەلەۋ باعدارلاماسى قازاقستاننىڭ بارلىق وبلىستارىندا جۇزەگە اسىرىلادى. بولىنگەن قارجى مونوقالالار، شاعىن قالالار، اۋىلدىق ەلدىمەكەندەردەگى شاعىن قارجى ۇيىمدارىن نەسيەلەۋ ارقىلى شاعىن بيزنەس سۋبەكتىلەرىن شاعىن نەسيەلەۋگە باعىتتالادى.
– نەسيەلەۋ باعدارلاماسىنىڭ تالاپتارانى سايكەس، قارىزدار شاعىن نەسيە ۇيىمدارىنا ودان ءارى ءوز جوبالارىن جۇزەگە اسىرىپ جاتقان نەمەسە اسىرۋدى جوسپارلاعان كاسىپكەرلەرگە باعىتتالادى، – دەيدى «اۋىل شارۋاشىلىعىن قارجىلاي قولداۋ قورى» اق باسقارما ءتوراعاسىنىڭ ورىنباسارى الماس تاۋبايەۆ. – تۇپكى قارىز الۋشىلارعا بەرىلەتىن شاعىن نەسيەلەردىڭ ماقساتتى باعىتتاۋى – ءوز ءىسىن ۇيىمداستىرۋ نەمەسە كەڭەيتۋ جانە اينالىمداعى كاپيتالدى سالالىق شەكتەۋسىز تولىقتىرۋ.
قارىز الۋشى – شاعىن قارجى ۇيىمىنا بەرىلەتىن قارىزدىڭ ماكسيمالدى سوماسى – 350 ملن. تەڭگە، ءبىر تۇپكى قارىز الۋشىعا – 10 ملن. تەڭگەدەن اسپايدى. شقۇ ءۇشىن بەكىتىلگەن سىياقى ۇستەمەسى – جىلدىق 4%، جىلدىق ءتيىمدى سىياقى ۇستەمەسى – 4،5% اسپايدى. تۇپكى قارىز الۋشىلار ءۇشىن نومينالدى ۇستەمە – جىلدىق 12% اسپايدى.
شنۇ جانە تۇپكى قارىز الۋشىلار ءۇشىن قارىز بەن شاعىن نەسيەنىڭ مەرزىمى – 54 ايدى قۇرايدى. اينالىمداعى كاپيتالدى تولىقتىرۋعا بەكىتىلگەن مەرزىم – 36 ايدان ۇزاق ەمەس.
نەسيەلەۋ تالاپتارىمەن قوردىڭ www.kazagro.kz/web/fond سايتىندا نەمەسە 8-8000-80-35-05 (قازاقستان بويىنشا قوڭىراۋ شالۋ تەگىن) ارقىلى تانىسۋعا بولادى.
جالپى، 2006 جىلدان باستاپ «اۋىل شارۋاشىلىعىن قارجىلاي قولداۋ قورى» اق شاعىن نەسيە ۇيىمدارىن قولداۋعا 10 ملرد. 226 ملن. تەڭگە باعىتتاعان بولاتىن. بۇل قارجىدان تۇپكى قارىز الۋشىلارعا 23 مىڭعا جۋىق شاعىن نەسيە بەرىلدى. اعىمداعى جىلى وڭتۇستىك قازاقستان وبلىسىندا شقۇ قارجىلاندىرۋ 305،6ملن. تەڭگە سوماسىندا جوسپارلانعان.
«اۋىل شارۋاشىلىعىن قارجىلاي قولداۋ قورى» اق باسپا ءسوز قىزمەتى
