Atalǵan baǵdarlama aıasynda shaǵyn kásipkerlikti shaǵyn nesıeleý qarjylaı qoldaýdyń bir baǵyty bolyp bekitilgen-di. Baǵdarlamanyń negizgi maqsattarynyń biri aımaqtyq kásipkerlikti damytý jáne jańa jumys oryndaryn qurý bolyp tabylady.
Ol úshin 2016 jyly respýblıkalyq búdjetten 2 mlrd. 647 mln. teńge bólingen. Aldaǵy 2017-2018 jyldary da osy kólemde qarjyny ıgerý josparlanyp otyr. Atalǵan nesıeleý baǵdarlamasy Qazaqstannyń barlyq oblystarynda júzege asyrylady. Bólingen qarjy monoqalalar, shaǵyn qalalar, aýyldyq eldimekenderdegi shaǵyn qarjy uıymdaryn nesıeleý arqyly shaǵyn bıznes sýbektilerin shaǵyn nesıeleýge baǵyttalady.
– Nesıeleý baǵdarlamasynyń talaptarany sáıkes, qaryzdar shaǵyn nesıe uıymdaryna odan ári óz jobalaryn júzege asyryp jatqan nemese asyrýdy josparlaǵan kásipkerlerge baǵyttalady, – deıdi «Aýyl sharýashylyǵyn qarjylaı qoldaý qory» AQ Basqarma tóraǵasynyń orynbasary Almas Taýbaev. – Túpki qaryz alýshylarǵa beriletin shaǵyn nesıelerdiń maqsatty baǵyttaýy – óz isin uıymdastyrý nemese keńeıtý jáne aınalymdaǵy kapıtaldy salalyq shekteýsiz tolyqtyrý.
Qaryz alýshy – shaǵyn qarjy uıymyna beriletin qaryzdyń maksımaldy somasy – 350 mln. teńge, bir túpki qaryz alýshyǵa – 10 mln. teńgeden aspaıdy. SHQU úshin bekitilgen syıaqy ústemesi – jyldyq 4%, jyldyq tıimdi syıaqy ústemesi – 4,5% aspaıdy. Túpki qaryz alýshylar úshin nomınaldy ústeme – jyldyq 12% aspaıdy.
SHNU jáne túpki qaryz alýshylar úshin qaryz ben shaǵyn nesıeniń merzimi – 54 aıdy quraıdy. Aınalymdaǵy kapıtaldy tolyqtyrýǵa bekitilgen merzim – 36 aıdan uzaq emes.
Nesıeleý talaptarymen Qordyń www.kazagro.kz/web/fond saıtynda nemese 8-8000-80-35-05 (Qazaqstan boıynsha qońyraý shalý tegin) arqyly tanysýǵa bolady.
Jalpy, 2006 jyldan bastap «Aýyl sharýashylyǵyn qarjylaı qoldaý qory» AQ shaǵyn nesıe uıymdaryn qoldaýǵa 10 mlrd. 226 mln. teńge baǵyttaǵan bolatyn. Bul qarjydan túpki qaryz alýshylarǵa 23 myńǵa jýyq shaǵyn nesıe berildi. Aǵymdaǵy jyly Ońtústik Qazaqstan oblysynda SHQU qarjylandyrý 305,6mln. teńge somasynda josparlanǵan.
«Aýyl sharýashylyǵyn qarjylaı qoldaý qory» AQ baspasóz qyzmeti
