وبلىس اكىمى ا. باتالوۆ الدىمەن جينالعانداردى قاتار كەلگەن قوس مەرەكە – وتان قورعاۋشىلار كۇنىمەن جانە جەڭىس كۇنىمەن قۇتتىقتاپ، اتالمىش مەيرامداردىڭ الاتىن ورنى مەن ماڭىزىن اتاپ ءوتتى. پرەزيدەنت جارلىعىمەن ءبىرقاتار جەتىسۋلىق وتان قورعاۋشىلار كۇنىندە مەملەكەتتىك ناگرادالار مەن اسكەري اتاقتارعا يە بولعانىن، سونىڭ ىشىندە اۋعاندىق ارداگەر، «الماتى وبلىستىق اۋعان سوعىسى ارداگەرلەر ۇيىمى» قوعامدىق بىرلەستىگى ءتوراعاسىنىڭ ورىنباسارى قازبەك بەيىسبەكوۆكە ءىى دارەجەلى «ايبىن» وردەنى بەرىلگەنىن تىلگە تيەك ەتە كەلە، ماراپات يەسىنىڭ كەۋدەسىنە ناگرادا تاقتى. ايتا كەتسەك، قازبەك بەيىسبەكوۆكە اتالمىش ناگرادااسكەري جانە قىزمەت بابىنداعى پارىزىن وتەۋدەگى كورسەتكەن باتىلدىعى مەن جانقيارلىعى، سونداي-اق مەملەكەت مۇددەسىن قورعاۋدا جاساعان ەرلىگى ءۇشىن ۇسىنىلدى.
– وتان قورعاۋشىلار كۇنىنە وراي بەرىلگەن ۇلكەن ماراپاتىڭ قۇتتى بولسىن. اۋعان سوعىسىنداعى ەرلىك ىستەرىڭە، بۇگىنگى بەيبىت ومىردەگى اتقارعان ەڭبەكتەرىڭە كورسەتىلگەن لايىقتى قۇرمەت دەپ بىلەمىن. بۇدان بىلاي دا وبلىستىڭ قوعامدىق-ساياسي ومىرىنە، جەتىستىكتەرى مەن جەڭىستەرىنە، تىنىشتىعى مەن بەرەكە-بىرلىگىنە اتسالىسادى دەپ سەنەمىن، – دەدى ا. باتالوۆ. وبلىس اكىمى سونىمەن قاتار اۋعان سوعىسى ارداگەرلەرىنە جاسالىپ وتىرعان قامقورلىق شارالارىن ايتا كەلە، قالادا سالىنعان كوتتەجدجى قالاشىقتان كوپ بالالى جانە از قامتىلعان وتباسىلارىمەن بىرگە ءبىرقاتار اۋعاندىق ارداگەرلەرگە دە تۇرعىن ءۇي بەرىلەتىنىن اتاپ ءوتتى.
ءوز كەزەگىندە قازبەك بەيىسبەكوۆ توسىنە تاعىلعان بۇل ناگرادا تەك وزىنە عانا ەمەس، بۇكىل الماتى وبلىسىنىڭ قورجىنىنا تۇسكەن ماراپات، بۇكىل قارۋلاستارىنا كورسەتىلگەن قۇرمەت، بارشا اۋعاندىق ارداگەرلەردىڭ قۋانىشى ەكەنىن ايتىپ، ەل ازاماتتارىنا ريزاشىلىعىن ءبىلدىردى.
ماراپاتتاۋ راسىمىنە كەلگەن «الماتى وبلىسى جەرگىلىكتى سوعىس جانە اۋعان ارداگەرلەر وداعى» قوعامدىق بىرلەستىگىنىڭ ءتوراعاسى باۋىرجان بارلىبايەۆ، «الماتى وبلىستىق اۋعان سوعىسى ارداگەرلەر ۇيىمى» قوعامدىق بىرلەستىگىنىڭ ءتوراعاسى كايرات جانابايەۆ، اۋعان سوعىسىڭ ارداگەرى مۇرات مەيىربەكوۆ، شاراعا قاتىسقان وبلىستىق ارداگەرلەر ۇيىمىنىڭ ءتوراعاسى ەرمەك كەلەمسەيىت، وبلىستىق ءماسليحات حاتشىسى سۇلتان دۇيسەمبىنوۆ تە وزدەرىنىڭ تىلەكتەرىن جەتكىزىپ، ىقىلاستارىن ءبىلدىردى.
اتاپ وتسەك، بۇگىنگى كۇنى الماتى وبلىسىندا 1876 اۋعاندىق ارداگەر بار. ولاردىڭ باسىن قوسىپ وتىرعان 5 وبلىستىق قوعامدىق ۇيىم جۇمىس ىستەيدى. اۋعان سوعىسى ارداگەرلەرى جاستاردى ەلجاندىلىق رۋحتا تاربيەلەۋ ىسىنە، ءتۇرلى قوعامدىق، سپورتتىق شارالار ۇيىمداستىرۋعا بەلسەنە اتسالىسىپ ءجۇر. ماسەلەن، الداعى ۋاقىتتا اۋعانستاننان اسكەردىڭ شىعارىلعانىنا 30 جىل تولۋىنا وراي ۆولەيبولدان تۋرنيرلەر، اۆتوسايىس ۇيىمداستىرۋ جوسپارلانعان.
الماتى وبلىسى اكىمىنىڭ باسپا ءسوز قىزمەتى
