قازاقستاننىڭ اتوم ەنەرگيياسى جٶنٸندەگٸ اگەنتتٸگٸنە قاراستى اتومدىق قاداعالاۋ جەنە باقىلاۋ كوميتەتٸنٸڭ تٶراعاسى بولىپ دارحان اليياقپاروۆ تاعايىندالدى.
ول بۇل قىزمەتكە دەيٸن 2020 جىلدان بەرٸ ەنەرگەتيكا مينيسترلٸگٸنٸڭ اتومدىق جەنە ەنەرگەتيكالىق قاداعالاۋ مەن باقىلاۋ كوميتەتٸ تٶراعاسىنىڭ ورىنباسارى قىزمەتٸن اتقارعان, دەپ حابارلايدى Dalanews.kz.
دارحان اليياقپاروۆ ەڭبەك جولىن 2008 جىلى «قازاقمىس كورپوراتسيياسى» جشس-نٸڭ جەزقازعان جىلۋ ەلەكتر ورتالىعىندا باستاعان. وسىندا ول قاراپايىم ماشينيست-باقىلاۋشى قىزمەتٸنەن باستاپ, ستانتسييا اۋىسىمىنىڭ باستىعىنا دەيٸن كٶتەرٸلگەن.
2014 جىلدان بەرٸ اليياقپاروۆ اتومدىق جەنە ەنەرگەتيكالىق قاداعالاۋ سالاسىندا تٷرلٸ باسشىلىق لاۋازىمدار اتقارىپ كەلەدٸ. ول وسى ارالىقتا استانا قالاسى ەكٸمدٸگٸ مەن ەنەرگەتيكا مينيسترلٸگٸنٸڭ قۇرىلىمدارىندا دا جاۋاپتى قىزمەتتەر اتقارعان.
ايتا كەتەيٸك, قازاقستاندا 2025 جىلدىڭ ناۋرىزىندا اتوم ەنەرگيياسى جٶنٸندەگٸ اگەنتتٸك قۇرىلعان بولاتىن. جاڭا ۆەدومستۆوعا بۇرىن ەنەرگەتيكا مينيسترلٸگٸنٸڭ قۇزىرىندا بولعان ۋران ٶندٸرۋ مەن اتوم ەنەرگيياسىن بەيبٸت ماقساتتا پايدالانۋ فۋنكتسييالارى بەرٸلگەن. اگەنتتٸكتٸ بۇرىنعى ەنەرگەتيكا مينيسترٸ الماسادام سەتقاليەۆ باسقارادى.
قازٸر اگەنتتٸك تٶراعاسىنىڭ ەكٸ ورىنباسارى بار. ولار – «قازاتومٶنەركەسٸپ» ۇلتتىق كومپانيياسىندا باسقارۋشى ديرەكتور قىزمەتٸن اتقارعان ەسەت ماحامبەتوۆ جەنە بۇرىن «قازاقستاندىق اتوم ەلەكتر ستانتسييالارى» اق-نىڭ باس ديرەكتورى بولعان تيمۋر جانتيكين.
