وقۋ-اعارتۋ مينيسترلىگى اتىراۋ وبلىسىندا 9 جاستاعى قىزدان جىن شىعارماق بولعان ەمشىنىڭ وقيعاسىنا بايلانىستى مالىمدەمە جاسادى، دەپ حابارلايدى Dalanews.kz.
مينيسترلىك اتالعان جايت ۇلكەن الاڭداۋشىلىق تۋدىرعانىن ەرەكشە اتاپ ءوتتى.
“اتىراۋ وبلىسىندا بولعان وقيعاعا بەي-جاي قاراۋعا بولمايدى. ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى بۇل جاعدايدى ءوز باقىلاۋىنا الدى”، – دەپ حابارلادى مينيسترلىكتىڭ بالالار قۇقىقتارىن قورعاۋ كوميتەتىنىڭ باسپا ءسوز قىزمەتى.
ۆەدومستۆونىڭ مالىمەتىنشە، قازىرگى ۋاقىتتا بالاعا قاجەتتى كومەك، سونىڭ ىشىندە كاسىبي پسيحولوگيالىق قولداۋ كورسەتىلىپ جاتىر. سونىمەن قاتار وقيعا ورنىندا بالالار قۇقىقتارى جونىندەگى ايماقتىق ۋاكىل جۇمىس ىستەپ جاتىر.
“بالا دەنساۋلىعى مەن ءال-اۋقاتىنا ءقاۋىپ توندىرەتىن كەز كەلگەن ارەكەتكە جول بەرىلمەيتىنىن ەرەكشە اتاپ وتكەن ءجون. مينيسترلىك بالالاردىڭ قۇقىقتارىن قورعاۋعا باعىتتالعان زاڭدار مەن نورمالاردى قاتاڭ ساقتاۋ قاجەتتىگىن ەسكە سالادى”، – دەپ قورىتىندىلادى كوميتەت وكىلدەرى.
ەسكە سالايىق، بۇعان دەيىن الەۋمەتتىك جەلىدە كىشكەنتاي قىزدان “جىن شىعارىپ“ جاتقان ۆيدەو تارادى. بۇل ماسەلە قۇزىرلى ورگانداردىڭ نازارىن اۋدارتتى.
كادرلاردا ەر ادام قىزدىڭ ەسىمىن، جىنىسىن، نە ءۇشىن كىرگەنىن، كىم جىبەرگەنىن، جاسىن سۇرايدى.
“19-داعى ءلاززات، مىڭ جىلدىقسىڭ با، ءجۇز جىلدىقسىڭ با؟ ىشىڭدە نەشەۋ؟” — دەپ سۇرايدى ەر ادام كىشكەنتاي قىزدان.
ۆيدەودا قىز سۇراقتارعا جاۋاپ بەرىپ، جىلاپ جاتقانى كورىنەدى.
ب ا ق پەن جەلىدە ۆيدەوداعى ەمشىنىڭ ەسىمى كەيقۋات وسپانوۆ ەكەنى ايتىلادى.
ماسەلەگە بالا قۇقىقتارى جونىندەگى ۋاكىل دينارا زاكييەۆا پىكىر ءبىلدىردى.
“ەمشى كامەلەتكە تولماعان بالاعا ءراسىم جاساعان بەينەجازباعا قاتىستى. اتالمىش ءىس بويىنشا ءىىم، وڭىرلىك ۋاكىلدەرمەن جۇمىس ىستەپ جاتىرمىز. ەمشىنىڭ جەكە باسى مەن بالانىڭ تۇرىپ جاتقان جەرى الدىن الا انىقتالدى. اقپارات تەكسەرىلىپ، ءمان-جاي انىقتالۋدا”، — دەدى ول.
