2015-2023 جىلدار ارالىعىندا اتىراۋ وبلىسىنىڭ اكىمدىگى جالپى سوماسى 22 ملرد 462،7 ملن تەڭگە نەسيەلەر العان. وبلىستىق قارجى جانە ەكونوميكا باسقارماسىنىڭ مالىمەتىنشە، 2025 جىلدىڭ 1 قاڭتارىنا دەيىن رەسپۋبليكالىق بيۋدجەت الدىنداعى قارىز تولىق وتەلگەن، دەپ حابارلايدى Dalanews.kz "اق جايىق" باسىلىمىنا سىلتەپ.

“بارلىق نەسيەلىك مىندەتتەمەلەر وتەۋ كەستەسىنە سايكەس ۋاقىتىندا تولەنۋدە” – دەپ مالىمدەدى باسقارما وكىلدەرى.

نەسيە قاراجاتى قانداي ماقساتتارعا جۇمسالدى؟

• 5 ملرد 457،4 ملن تەڭگە – ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋعا باعىتتالدى.
• 2 ملرد 155،6 ملن تەڭگە – كوندومينيۋم وبەكتىلەرىنىڭ جالپى مۇلكىن كۇردەلى جوندەۋدەن وتكىزۋگە ءبولىندى.
• 1 ملرد 504،0 ملن تەڭگە – اۋىل تۇرعىندارىنا ميكروكرەديت بەرۋ ارقىلى ولاردىڭ تابىسىن ارتتىرۋ جوباسىن كەڭەيتۋگە جۇمسالدى.
• 1 ملرد 461،5 ملن تەڭگە – مامانداردى الەۋمەتتىك قولداۋ شارالارىن جۇزەگە اسىرۋعا ءبولىندى.
• 1 ملرد 295،9 ملن تەڭگە – اۋىلدىق ەلدى مەكەندەر مەن شاعىن قالالارداعى ميكروكرەديتتەۋگە جۇمسالدى.
• 1 ملرد 245،1 ملن تەڭگە – مونوقالالارداعى كاسىپكەرلىكتى دامىتۋعا قولداۋ كورسەتۋگە باعىتتالدى.
• 1 ملرد 142،1 ملن تەڭگە – تۇرعىن ءۇي جوبالاۋ جانە (نەمەسە) سالۋ جۇمىستارىنا جۇمسالدى.
• 1 ملرد تەڭگە – 2020-2021 جىلدارعا ارنالعان جۇمىسپەن قامتۋ جول كارتاسى اياسىندا كاسىپكەرلىك باستامالاردى جۇزەگە اسىرۋعا ءبولىندى.
• 930 ملن تەڭگە – جاستاردىڭ كاسىپكەرلىك باستامالارىن قولداۋعا باعىتتالدى.

اتىراۋ وبلىسىنىڭ قارجى جانە ەكونوميكا باسقارماسى بيۋدجەتتىك نەسيە قاراجاتىنىڭ ماقساتسىز نەمەسە ءتيىمسىز پايدالانىلعان فاكتىلەرى انىقتالماعانىن مالىمدەدى.