2015-2023 jyldar aralyǵynda Atyraý oblysynyń ákimdigi jalpy somasy 22 mlrd 462,7 mln teńge nesieler alǵan. Oblystyq qarjy jáne ekonomika basqarmasynyń málimetinshe, 2025 jyldyń 1 qańtaryna deiin respýblikalyq biýdjet aldyndaǵy qaryz tolyq ótelgen, dep habarlaidy Dalanews.kz "Aq Jaiyq" basylymyna siltep.
“Barlyq nesielik mindettemeler óteý kestesine sáikes ýaqytynda tólenýde” – dep málimdedi basqarma ókilderi.
Nesie qarajaty qandai maqsattarǵa jumsaldy?
- 5 mlrd 457,4 mln teńge – ónimdi jumyspen qamtý jáne jappai kásipkerlikti damytýǵa baǵyttaldy.
- 2 mlrd 155,6 mln teńge – kondominiým obektileriniń jalpy múlkin kúrdeli jóndeýden ótkizýge bólindi.
- 1 mlrd 504,0 mln teńge – aýyl turǵyndaryna mikrokredit berý arqyly olardyń tabysyn arttyrý jobasyn keńeitýge jumsaldy.
- 1 mlrd 461,5 mln teńge – mamandardy áleýmettik qoldaý sharalaryn júzege asyrýǵa bólindi.
- 1 mlrd 295,9 mln teńge – aýyldyq eldi mekender men shaǵyn qalalardaǵy mikrokreditteýge jumsaldy.
- 1 mlrd 245,1 mln teńge – monoqalalardaǵy kásipkerlikti damytýǵa qoldaý kórsetýge baǵyttaldy.
- 1 mlrd 142,1 mln teńge – turǵyn úi jobalaý jáne (nemese) salý jumystaryna jumsaldy.
- 1 mlrd teńge – 2020-2021 jyldarǵa arnalǵan Jumyspen qamtý jol kartasy aiasynda kásipkerlik bastamalardy júzege asyrýǵa bólindi.
- 930 mln teńge – jastardyń kásipkerlik bastamalaryn qoldaýǵa baǵyttaldy.
Atyraý oblysynyń qarjy jáne ekonomika basqarmasy biýdjettik nesie qarajatynyń maqsatsyz nemese tiimsiz paidalanylǵan faktileri anyqtalmaǵanyn málimdedi.
