وتىرىسقا ايماق باسشىسى ماحامبەت دوسمۇحامبەتوۆ، وبلىستىق ءماسليحات دەپۋتاتتارى، قوعامدىق كەڭەس ءتوراعاسى، باسقارما باسشىلارى، ونلاين رەجيمدە اۋدان اكىمدەرى قاتىستى.
– جەرگىلىكتى بيۋدجەت بويىنشا بولجام 350،4 ملرد تەڭگە بولسا، 371،1 ملرد تەنگە كولەمىندە ناقتى تولەم ءتۇسىپ، بولجام 20،7 ملرد تەڭگەگە نەمەسە 105،9 پايىزعا ارتىعىمەن ورىندالدى، – دەدى اتىراۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بەكەن شانايەۆ.
سونداي-اق، پاندەمياعا بايلانىستى 187 مىڭعا جۋىق قىزمەتكەرى بار شاعىن جانە ورتا بيزنەستىڭ 12 مىڭعا جۋىق سالىق تولەۋشىلەرى ۇستالاتىن سالىقتار مەن الەۋمەتتىك تولەمدەردەن بوساتىلعان.
سونىمەن قاتار، ب.شانايەۆ دەپارتامەنتپەن 953 079 مەملەكەتتىك قىزمەت كورسەتىلسە، ونىڭ 928 162 نەمەسە 97،4 پايىزى ەلەكتروندى تۇردە ۇسىنىلعانىن جەتكىزدى.
جيىن سوڭىندا ءوڭىر باسشىسى ماحامبەت دوسمۇحامبەتوۆ «ءار قابىلدانعان شەشىم جۇمىستى ءارى قاراي جانداندىرۋعا وڭ ىقپال ەتەتىنىن، جوسپارلانعان جۇمىستار ءوز ۋاقىتىندا جانە ساپالى ورىندالۋ قاجەتتىگىن» باسا ايتتى.
