پيكنيك نەگٸزگٸ "ازييا داۋىسى" كونتسەرتٸ الدىنداعى شارا ەدٸ. ەندٸ الداعى 28-30 شٸلدە كٷندەرٸ "مەدەۋ" شاتقالىندا اتى اڭىزعا اينالعان «ازييا داۋىسى» فەستيۆالٸ جالعاسىن تاپپاق.
«ازييا داۋىسى» پيكنيگٸ شىنايى سەرۋەنگە نەگٸزدەلدٸ. اتاپ ايتاتىن بولساق, دەمدٸ تاعامدار قويىلىپ, دەمەۋشٸلەر تاراپىنان كٶپتەگەن تٷرلٸ ويىندار, شەبەرلٸك ساباقتارى ٶتتٸ. ەڭ باستىسى - ەسەم ەۋەن شىرقالدى.
«مەدەۋ» ساحناسىندا تاڭنىڭ اتىسىنان كٷننٸڭ باتىسىنا دەيٸن الماتى قالاسىندا ٶتكەن «جاس قانات-2023» جاس ورىنداۋشىلار بايقاۋىنىڭ قاتىسۋشىلارى مەن جٷلدەلٸ ورىن يەگەرلەرٸ ٶنەر كٶرسەتتٸ.
قويىلىم اراسىندا ٷلكەن ەكراننان «ازييا داۋىسى» فەستيۆالٸنەن بەينەروليكتەر كٶرسەتٸلدٸ. ۇيىمداستىرۋشىلار پيكنيك قوناقتارىمەن وسىدان 30 جىل بۇرىن ٶنەر كٶرسەتكەن جۇلدىزداردى ەسكە الدى. حالىق قوسىلىپ ەن ايتىپ, بي بيلەدٸ. بۇل - ساعىنىشقا تولى سەتتەر بولدى! ال پيكنيك كەشٸن كٶپشٸلٸكتٸڭ سٷيٸكتٸسٸنە اينالعان مولدانازار, سادراددين جەنە PLEBS توبى تاماشا ەن شاشۋلارىمەن قورىتىندىلادى.
«ازييا داۋىسى» پيكنيگٸ – جاڭاشا كٶزقاراستا قايتا جالعاسىن تاباتىن «ازييا داۋىسى» فەستيۆالٸنٸڭ تۇساۋكەسەرٸ رەتٸندە اتالىپ ٶتتٸ. فەستيۆالدٸڭ باس پروديۋسەرٸ ارمانجان بايتاسوۆ "بٸز ٷشٸن پيكنيك – ٶتە ماڭىزدى وقيعالاردىڭ بٸرٸ. جىل باسىندا «ازييا داۋىسى» فەستيۆالٸنە دايىندىق بارىسىندا «ازييا داۋىسى» حالىقارالىق فەستيۆالٸ قوعامدىق قورىنىڭ نەگٸزٸن قالاۋشى جەنە پرەزيدەنتٸ يرينا كوۆىرياكو ٸس-شارانىڭ تولىق نۇسقاسىن ويلاستىردى. سونىڭ بٸرٸ الماتىعا كەرٸ قايتارۋىمىز كەرەك بولعان «جاس قانات» بايقاۋى. سونىمەن قاتار, ازييا داۋىسىنىڭ سيمۆولىنا اينالعان كٷن باسقان ەرلەردٸڭ بەينەسٸ تابىلعان تاڭبالىداعى پەتروگليفتەرگە ساياحات ەدٸ. بۇلاردىڭ بارلىعى بٸر تٸزبەكتٸڭ بۋىنى. «ازييا داۋىسى» فەستيۆالٸ مەن بايقاۋى 20 جىلعا جۋىق ۋاقىت ٶتكٸزٸلمەدٸ. سوڭعى فەستيۆال 2004 جىلى ٶتتٸ. ارادا ۇزاق ٷزٸلٸس بولعاندىقتان, كٶپ نەرسە ۇمىتىلىپ كەتتٸ. سوندىقتان بەرٸن قايتا قالپىنا كەلتٸرۋگە تۋرا كەلەدٸ", - دەدٸ.
"وسى تۇستا فەستيۆالدٸ باستاپقىدا جاساۋعا اتسالىسقان مۇرات يرعاليەۆ جەنە الەكساندر پونومارەۆپەن قايتا قارىم-قاتىناس قۇرىپ, جۇمىستى جالعاستىرامىز. بۇل كوماندامەن 2004 جىلى جۇمىس ٸستەگەن كەزدە iPhone, سمارتفون, iPad, تٸپتٸ 5G ينتەرنەتٸ دە بولعان جوق. ياعني, بٷگٸنگٸدەي مٷمكٸندٸكتەر بولمادى. بٸزدٸڭ مٸندەتٸمٸز – بار قابٸلەتٸمٸزدٸ, مٷمكٸندٸگٸمٸزدٸ, شىعارماشىلىعىمىزدى بٸرٸكتٸرە وتىرىپ, «ازييا داۋىسىن» زامان تالابىنا ساي ەتٸپ دايىنداپ شىعۋ. بۇل - ەرينە, وڭاي ەمەس. بٸز بارلىق ٸس-شارانى جوعارى دەڭگەيدە ۇيىمداستىرۋعا تىرىسامىز. وسى تۇستا, 28, 29 جەنە 30 شٸلدە مەدەۋدە ٶتەتٸن «ازييا داۋىسى» فەستيۆالٸ كٶرەرمەن كٶڭٸلٸنەن شىعۋ ٷشٸن بار كٷشٸمٸزدٸ سالامىز. قازٸر بارلىق سەت پىسىقتالۋدا. مەنٸ ەرەكشە قۋانىشقا بٶلەگەن جايت - الماتىلىقتار مەن قالا قوناقتارىنىڭ كەرەمەت دوستىق كٶڭٸلٸ بولدى. ال بۇل بٸز ٷشٸن ماڭىزدى جايت دەپ ايتۋعا بولادى. 28 شٸلدەدە ٶتەتٸن «ازييا داۋىسى» فەستيۆالٸنٸڭ اشىلۋ سالتاناتى كەرەمەت ٶتەتٸنٸنە سەنٸمدٸمٸن"
فەستيۆال بۇل جولى ٶزگەرٸستەرگە تولى بولماق. مەسەلەن, بيىل «ازييا داۋىسى» بايقاۋى بولمايدى. ەزٸرگە ستارت-كونتسەرت جاسالۋدا. بۇل - ازييا داۋىسىنىڭ 2023 جىلعى باستى مٸندەتٸ. فەستيۆالدٸڭ بٸرٸنشٸ كٷنٸندە تەك قازاقستاندىق ٶنەرپازدار ساحناعا شىعادى.
ال فەستيۆالدٸڭ ەكٸنشٸ كٷنٸ Black Eyed Peas توبى كونتسەرت بەرەدٸ. ال «ازييا داۋىسىنىڭ» ٷشٸنشٸ كٷنٸ اتى اڭىزعا اينالعان ەنشٸلەر مەن توپتارعا ارنالادى. سەبەبٸ اتالمىش كٷنٸ «ياللا», يۋلدۋز ۋسمانوۆا, Secret Service ٶنەر كٶرسەتەدٸ. بٸراق جۇلدىزدار تٸزٸمٸ تاعى دا تولىقپاق.
Dalanews.kz, DALA INSIDE, «قالا مەن دالا» گازەتٸ - "ازييا داۋىسى" فەستيۆالٸنٸڭ اقپاراتتىق سەرٸكتەسٸ. جاڭالىقتارىمىزدى باقىلاپ وتىرىڭىزدار!
