"اتامەكەن" ۇلتتىق كاسىپكەرلەر پالاتاسى رايىمبەك باتالوۆتىڭ وتستاۆكاسى تۋرالى اقپاراتتى جوققا شىعاردى، دەپ حابارلايدى Dalanews.kz.
پالاتا مالىمەتىنشە، كەيبىر دەرەككوزدەردە تاراتىلىپ جاتقان رايىمبەك باتالوۆتىڭ «اتامەكەن» ۇلتتىق كاسىپكەرلەر پالاتاسى ءتورالقاسىنىڭ ءتوراعاسى قىزمەتىنەن بوساتىلاتىنى تۋرالى اقپارات شىندىققا جاناسپايدى.
«قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» قازاقستان رەسپۋبليكاسى زاڭىنىڭ 21-بابى 2-تارماعىنىڭ 1) تارماقشاسىنا، سونداي-اق «اتامەكەن» ۇكپ جارعىسىنىڭ 16.4-تارماعىنىڭ 1) تارماقشاسىنا سايكەس، ءتورالقا ءتوراعاسى تەك ۇلتتىق كاسىپكەرلەر پالاتاسى سەزىنىڭ شەشىمىمەن عانا سايلانادى جانە قىزمەتىنەن بوساتىلادى.
"وسى ماسەلەگە قاتىستى وزگە دە مالىمدەمەلەر مەن جاريالانىمدار شىندىققا جاناسپايتىنى جانە قۇقىقتىق نەگىزى جوق ەكەندىگىن اتاپ وتەمىز. تەكسەرىلمەگەن جانە جالعان اقپاراتتى تاراتپاۋعا شاقىرامىز"، - دەيدى پالاتا وكىلدەرى.
