الايدا اۋەلگى سوزىندە اتامبايەۆ قىرعىزستاننىڭ باسقا دا كورشىلەرى بار ەكەنىن تىلگە تيەك ەتىپتى.
"ءيا، قىرعىزستاننىڭ باسقا دا كورشىلەرى بار (بۇل ارادا ول قازاقستاننان وزگە دەگەندى مەڭزەگەنى انىق). قىرعىزستان ءوز ونىمدەرىن – قىتايعا، وزبەكستانعا، تاجىكستانعا وتكىزە الادى"، – دەپتى اتامبايەۆ.
دەگەنمەن، ءارى باۋىرلاس، ءارى كورشىلەس قازاقستانمەن تاتۋ تۇرۋدىڭ قاجەتتىلىگىن دە اتاپ ءوتىپتى.
"بالكىم، قازاقستان پرەزيدەنتى تۋرالى سول شاقتا تىم ەموسيامەن ايتقان شىعارمىن. مۇنىم قاتەلىك بولعان شىعار. ارتىق كەتكەن جوقپىن با، سوڭعى بىرنەشە كۇن وسىنى ويلادىم. نازاربايەۆ ءوزىنىڭ ورتاسىنا سەنەدى. ال ونىڭ ورتاسى، اينالاسى كىم؟ وليگراحتار. ول دا مەن سياقتى سەنگىش..."، – دەپتى اتامبايەۆ.
ايتۋىنشا، قازاقستانداعى وليحارگتاردىڭ اقىل-ويى نازاربايەۆتان كەيىن نە بولادى جانە جيعان-تەرگەنىمىزدى قالاي ساقتاپ قالامىز دەگەن ۋايىم-قايعى عانا.
"ءوز باسىم ءاردايىم، ءارقاشان كورشىمىزبەن باۋىرلاس، تاتۋ ارىپتەستىكتى قالايمىن. كورشىلەرمەن قاباق شىتىسپاي تاتۋ تۇرعانىمىز ابزال. راس، كەيدە توزىمدىلىك تانىتۋ كەرەك شىعار، دەگەنمەن تاۋەلسىزدىگىمىزدى ءاردايىم قورعاۋىمىز قاجەت، – دەگەن ەكەن اتامبايەۆ.
ايتا كەتسەك، قىرعىزستانداعى سايلاۋ قارساڭىندا المازبەك مىرزا قازاقستان بيلىگىنە قاراتا وتكىر-وتكىر سىن ايتقان. "كورشىمىز ىشكى ىسىمىزگە تۇمسىق تىعىپ وتىر" دەگەن–تۇعىن اتامبايەۆ. مۇنىمەن تىيىلماعان. اراعا ۋاقىت سالىپ تاعى ءبىر مالىمدەمە جاساعان. بۇل جولى قازاقتىڭ سوڭعى حانى كەنەسارىعا ءتىل تيگىزگەن بولاتىن. كەيىن قازاقستاننىڭ سىرتقى ىستەر مينيسترلىگى اتامبايەۆتىڭ ايتقان سوزىنە بايلانىستى مالىمدەمە جاساعان ەدى.
