Alaıda áýelgi sózinde Atambaev Qyrǵyzstannyń basqa da kórshileri bar ekenin tilge tıek etipti.
"Iá, Qyrǵyzstannyń basqa da kórshileri bar (bul arada ol Qazaqstannan ózge degendi meńzegeni anyq). Qyrǵyzstan óz ónimderin – Qytaıǵa, Ózbekstanǵa, Tájikstanǵa ótkize alady", – depti Atambaev.
Degenmen, ári baýyrlas, ári kórshiles Qazaqstanmen tatý turýdyń qajettiligin de atap ótipti.
"Bálkim, Qazaqstan prezıdenti týraly sol shaqta tym emosıamen aıtqan shyǵarmyn. Munym qatelik bolǵan shyǵar. Artyq ketken joqpyn ba, sońǵy birneshe kún osyny oıladym. Nazarbaev óziniń ortasyna senedi. Al onyń ortasy, aınalasy kim? Olıgrahtar. Ol da men sıaqty sengish...", – depti Atambaev.
Aıtýynsha, Qazaqstandaǵy olıhargtardyń aqyl-oıy Nazarbaevtan keıin ne bolady jáne jıǵan-tergenimizdi qalaı saqtap qalamyz degen ýaıym-qaıǵy ǵana.
"Óz basym árdaıym, árqashan kórshimizben baýyrlas, tatý áriptestikti qalaımyn. Kórshilermen qabaq shytyspaı tatý turǵanymyz abzal. Ras, keıde tózimdilik tanytý kerek shyǵar, degenmen táýelsizdigimizdi árdaıym qorǵaýymyz qajet, – degen eken Atambaev.
Aıta ketsek, Qyrǵyzstandaǵy saılaý qarsańynda Almazbek myrza Qazaqstan bıligine qarata ótkir-ótkir syn aıtqan. "Kórshimiz ishki isimizge tumsyq tyǵyp otyr" degen–tuǵyn Atambaev. Munymen tyıylmaǵan. Araǵa ýaqyt salyp taǵy bir málimdeme jasaǵan. Bul joly qazaqtyń sońǵy hany Kenesaryǵa til tıgizgen bolatyn. Keıin Qazaqstannyń Syrtqy ister mınıstrligi Atambaevtyń aıtqan sózine baılanysty málimdeme jasaǵan edi.
