مەجٸلٸس دەپۋتاتى اسحات ايماعامبەتوۆ مەكتەپتەردە مۇعالٸمدەرگە سىيلىق بەرۋ مەسەلەسٸنە قاتىستى پٸكٸر ايتتى. ونىڭ سٶزٸنشە, بۇل تاقىرىپتى زاڭ تۇرعىسىنان دا, ادامي قارىم-قاتىناس تۇرعىسىنان دا بٶلەك قاراستىرعان جٶن, دەپ حابارلايدى dalanews.kz.
دەپۋتاتتىڭ ايتۋىنشا, ەگەر مەكتەپتە مۇعالٸمگە سىيلىق الۋ ٷشٸن اتا-انالاردان نەمەسە وقۋشىلاردان مەجبٷرلٸ تٷردە اقشا جينالسا, بۇل زاڭعا قايشى ەرەكەت بولىپ سانالادى.
"ەگەر بٸر مۇعالٸمگە سىيلىقتى مٸندەتتٸ تٷردە بەرەيٸك, اقشا جينايىق دەپ مەجبٷرلەيتٸن بولسا, بۇل – زاڭ بۇزۋشىلىق. بۇل مەسەلەگە قاتىستى مينيسترلٸكتٸڭ ارنايى بۇيرىعى بار. كەزٸندە وعان مەن دە قول قويعانمىن. مۇعالٸمدەرگە بالالاردى نەمەسە اتا-انالاردى مٸندەتتەپ سىيلىق جيناتۋعا بولمايدى", – دەدٸ ايماعامبەتوۆ.
ونىڭ ايتۋىنشا, مۇنداي باستامالار كٶپ جاعدايدا مۇعالٸمدەردەن ەمەس, اتا-انالار چاتىنداعى بەلسەندٸ ادامداردان شىعادى. ال بۇل كەيبٸر اتا-انالارعا قىسىم بولىپ سەزٸلۋٸ مٷمكٸن. ولار "سىيلىققا اقشا قوسپاسام, بالاما كٶزقاراس ٶزگەرٸپ كەتە مە?" دەپ الاڭدايدى.
سونىمەن بٸرگە دەپۋتات بۇل مەسەلەنٸ تىم ۋشىقتىرىپ جٸبەرۋدٸڭ دە قاجەتٸ جوق ەكەنٸن ايتتى. ونىڭ پٸكٸرٸنشە, اتا-انالار مەن وقۋشىلار مۇعالٸمگە ٶز ەركٸمەن, شىن كٶڭٸلدەن العىس بٸلدٸرگٸسٸ كەلسە, وعان تىيىم سالۋعا بولمايدى.
"مۇعالٸمدەرگە پەتەر نەمەسە ٷلكەن كٶلٸك سىيلاپ جاتقان ەشكٸمدٸ كٶرٸپ وتىرعان جوقپىن. سوندىقتان شىن نيەتپەن بەرٸلگەن قاراپايىم سىيلىقتا تۇرعان ەشتەڭە جوق", – دەدٸ ول.
ايماعامبەتوۆ مەملەكەتتٸڭ ادامدار اراسىنداعى قاراپايىم سىيلاستىق پەن العىس بٸلدٸرۋ مەدەنيەتٸنە شامادان تىس ارالاسا بەرمەۋٸ كەرەك دەپ ەسەپتەيدٸ.
دەپۋتاتتىڭ سٶزٸنشە, 1 قىركٷيەك, سوڭعى قوڭىراۋ نەمەسە تٷلەكتەر كەشٸ سيياقتى مەرەكەلەردە وقۋشىلار مەن اتا-انالاردىڭ مۇعالٸمگە گٷل سىيلاپ, شاعىن سيمۆوليكالىق سىيلىق بەرۋٸ زاڭ بۇزۋشىلىققا جاتپايدى.
"مۇعالٸمدەردٸ قۇرمەتتەۋ, ولاردىڭ ەڭبەگٸن باعالاۋ, جاي عانا كٷلٸمدەپ راحمەت ايتۋ نەمەسە گٷل بەرۋ – مۇنىڭ ەشقايسىسىنان زاڭ بۇزۋشىلىق كٶرٸپ تۇرعان جوقپىن", – دەپ تٷيٸندەدٸ اسحات ايماعامبەتوۆ.
