بەسەكەلەستٸكتٸ قورعاۋ جەنە دامىتۋ اگەنتتٸگٸ استىق قابىلداۋ كەسٸپورىندارى كٶرسەتەتٸن قىزمەتتەر نارىعىندا بٸرقاتار زاڭبۇزۋشىلىقتاردى انىقتادى, دەپ حابارلايدى Dalanews.kz.
"ونىڭ ٸشٸندە استىقتى قابىلداۋدان باس تارتۋ, كەمسٸتۋشٸلٸك جاعدايلاردى بەلگٸلەۋ, دەمالىس كٷندەرٸ تاريفتەردٸ نەگٸزسٸز كٶتەرۋ فاكتٸلەرٸ تٸركەلدٸ. اگەنتتٸكتٸڭ ارالاسۋى نەتيجەسٸندە تاريفتەر 25 پايىزعا دەيٸن تٶمەندەتٸلٸپ, اۋىل شارۋاشىلىعى تاۋار ٶندٸرۋشٸلەرٸ ٷشٸن تەڭ قولجەتٸمدٸلٸك قامتاماسىز ەتٸلدٸ", دەلٸنگەن بقدا حابارلاماسىندا.
جالپى العاندا, جۇمىس قورىتىندىسى بويىنشا اگەنتتٸك 23 ەسكەرتۋ شىعاردى, نۇسقاما بەردٸ, ەكٸمشٸلٸك ايىپپۇل سالۋمەن تەرگەپ-تەكسەرۋ جٷرگٸزدٸ, سونداي-اق بٸرقاتار مونوپوليياعا قارسى كومپلاەنستەر جاسالدى.
سونىمەن قاتار سالانىڭ دامۋىن تەجەيتٸن جٷيەلٸ كەدەرگٸلەر دە ايقىندالدى. پروتسەستەردٸڭ ەدەۋٸر بٶلٸگٸ ەلٸ دە قولمەن جٷرگٸزٸلەدٸ, بۇل ماۋسىمدىق كەزەڭدە كەزەكتەر مەن شامادان تىس جٷكتەمەلەرگە ەكەلەدٸ.
قوسىمشا تەۋەكەل رەتٸندە Qoldau جٷيەسٸندە استىق قولحاتتارىن تٸركەۋ جەنە ابونەنتتٸك تٶلەمنٸڭ جوعارى بولۋى اتالدى. بۇل مەسەلە بويىنشا فەرمەرلەردەن شاعىمدار تٷستٸ. جۇمىس نەتيجەسٸندە اتالعان سۋبەكت ارنايى قۇقىقتىڭ مەملەكەتتٸك تٸزٸلٸمٸنە ەنگٸزٸلدٸ, سونداي-اق قىزمەتتەر قۇنىنا ساراپتاما جٷرگٸزٸلۋدە. بۇدان بٶلەك, ٸرٸ كەسٸپورىنداردىڭ ليتسەنزيياسىز جۇمىس ٸستەپ وتىرعانى انىقتالدى, بۇل استىقتىڭ ساقتالۋىنا كەپٸلدٸكتٸ تٶمەندەتەدٸ جەنە ادال ويىنشىلاردى تەڭ ەمەس جاعدايعا قويادى.
ماڭىزدى پروبلەمالاردىڭ بٸرٸ – استىق قابىلداۋ كەسٸپورىندارىنىڭ توزۋى. وسىعان بايلانىستى اگەنتتٸك كەسٸپورىندارعا جەڭٸلدەتٸلگەن نەسيە بەرۋ مٷمكٸندٸكتەرٸن كەڭەيتۋدٸ ۇسىندى.
