استاناداعى №36 مەكتەپتە وقۋشىلار اراسىندا بولعان تٶبەلەستەن كەيٸن اتا-انالار بٸلٸم ورداسىنداعى احۋالدىڭ كٷرت ناشارلاعانىن مەلٸمدەدٸ. ولاردىڭ ايتۋىنشا, مەكتەپ ەكٸمشٸلٸگٸ وقيعاعا قاتىستى اشىق ەرٸ ەدٸل تەكسەرۋ جٷرگٸزۋدٸڭ ورنىنا, جانجالعا بايلانىستى بەينەجازبالاردى جويۋعا تىرىسقان بولۋى مٷمكٸن. ەسٸرەسە جوعارى سىنىپ وقۋشىلارىنىڭ تەلەفوندارىنداعى ۆيدەولاردى ٶشٸرۋگە ەرەكەت جاسالعانى تۋرالى اقپارات تاراعان, دەپ حابارلايدى Dalanews.kz.
اتا-انالار مۇنداي ەرەكەتتەر جاعدايدى ۋشىقتىرىپ, مەكتەپكە دەگەن سەنٸمدٸ ەلسٸرەتكەنٸن ايتادى.
وقۋشىلاردىڭ ٶزدەرٸ دە ەكٸمشٸلٸك تاراپىنان قىسىم بولعانىن جەتكٸزگەن. ولاردىڭ سٶزٸنشە, بۇل مەكتەپتەگٸ پسيحولوگييالىق احۋالعا كەرٸ ەسەر ەتٸپ, قاۋٸپسٸزدٸك سەزٸمٸن تٶمەندەتكەن.
«بٸز, اتا-انالار, قالىپتاسقان جاعدايدان شارشادىق. مەكتەپ ديرەكتورى قاۋٸپسٸز ەرٸ اشىق بٸلٸم بەرۋ ورتاسىن قامتاماسىز ەتە الماي وتىر دەپ سانايمىز. سوندىقتان ونى قىزمەتٸنەن بوساتۋدى تالاپ ەتەمٸز», - دەلٸنگەن اتا-انالاردىڭ ٷندەۋٸندە.
ال قالالىق بٸلٸم باسقارماسى تٶبەلەسكە قاتىسقان وقۋشىلار مەكتەپٸشٸلٸك ەسەپكە الىنعانىن حابارلادى. قازٸرگٸ ۋاقىتتا ولارمەن پروفيلاكتيكالىق جۇمىستار جٷرگٸزٸلٸپ, پسيحولوگتار تارتىلعان. مەكتەپ باسشىلىعىنا تەرتٸپتٸك جازا رەتٸندە سٶگٸس بەرٸلگەن.
سونىمەن قاتار جانجالعا قاتىسقان جاسٶسپٸرٸمدەردٸڭ اتا-انالارى دا بالالارىن تەربيەلەۋ مٸندەتٸن تيٸستٸ دەڭگەيدە ورىنداماعانى ٷشٸن جاۋاپكەرشٸلٸككە تارتىلعان.
