استانا قالاسىنىڭ تٶتەنشە جاعدايلار دەپارتامەنتٸ جىلىتۋ ماۋسىمىنىڭ باستالۋىنا بايلانىستى نۇرا اۋدانىنداعى ٷركەر شاعىن اۋدانىندا تٷسٸندٸرۋ ٸس-شاراسىن ٶتكٸزدٸ, دەپ حابارلايدى dalanews.kz.
«زاڭ مەن تەرتٸپ» تۇجىرىمداماسى اياسىندا ەلوردادا تۇرعىنداردىڭ قاۋٸپسٸزدٸگٸن قامتاماسىز ەتۋ جەنە تۇرمىستىق ٶرتتەردٸڭ الدىن الۋ باعىتىنداعى پروفيلاكتيكالىق جۇمىستار جٷرگٸزٸلٸپ جاتىر.
ٸس-شارا بارىسىندا قۇتقارۋشىلار تۇرعىندارعا ٶرت قاۋٸپسٸزدٸگٸ تالاپتارىن تٷسٸندٸرٸپ, ٷيلەرگە ۋلى گاز بەن تٷتٸندٸ انىقتايتىن داتچيكتەر ورناتتى. سونىمەن قاتار ماماندار پەش مۇرجالارىن تازالاۋ جۇمىستارىن جٷرگٸزدٸ.
نۇرا اۋدانىنداعى تٶتەنشە جاعدايلار باسقارماسىنىڭ ينجەنەرٸ نۇرماحانبەت دياستىڭ ايتۋىنشا, جىل باسىنان بەرٸ ٷركەر شاعىن اۋدانىندا 100-دەن استام كٶمٸرتەگٸ توتىعى مەن تٷتٸن داتچيگٸ ورناتىلعان.
ماماندار تۇرعىنداردى جىلىتۋ قۇرالدارىن دۇرىس پايدالانۋعا, مۇرجالاردى ۋاقىتىلى تازالاۋعا جەنە ٶرت قاۋٸپسٸزدٸگٸ ەرەجەلەرٸن قاتاڭ ساقتاۋعا شاقىرادى.
مۇنداي پروفيلاكتيكالىق شارالار ٶرت پەن كٶمٸرتەگٸ توتىعىنان ۋلانۋ قاۋپٸن ازايتىپ, تۇرعىنداردىڭ ٶمٸرٸ مەن دەنساۋلىعىن قورعاۋعا باعىتتالعان.
