استانادا قىتايدىڭ قازاقستانداعى ەلشٸلٸگٸ قىتاي جاڭا جىلىنا ارنالعان سالتاناتتى شارا ۇيىمداستىردى. مەرەكەلٸك كەشكە ديپلوماتتار, مەدەنيەت قايراتكەرلەرٸ جەنە قوعام بەلسەندٸلەرٸ قاتىسىپ, ەكٸ ەل اراسىنداعى دوستىق پەن ىنتىماقتاستىقتى نىعايتۋعا باعىتتالعان باستامالار تالقىلاندى, دەپ حابارلايدى Dalanews.kz.
ٸس-شارا بارىسىندا قىتايدىڭ دەستٷرلٸ جارىق شامدارى جاعىلىپ, ولاردىڭ بەيبٸتشٸلٸك پەن بٸرلٸكتٸڭ سيمۆولىنا اينالعانى ايتىلدى. قىتاي ەلشٸسٸ ٶز قۇتتىقتاۋىندا قازاقستان مەن قىتاي اراسىنداعى قارىم-قاتىناستىڭ جاڭا كەزەڭگە اياق باسقانىن اتاپ ٶتتٸ. ونىڭ ايتۋىنشا, سوڭعى جىلدارى ەكٸ مەملەكەت اراسىنداعى بايلانىس ستراتەگييالىق سەرٸكتەستٸك دەڭگەيٸنە كٶتەرٸلٸپ, جاڭا "التىن وتىز جىل" دەۋٸرٸ باستالدى.
“قىتاي مەن قازاقستان – تاريحى مەن مەدەنيەتٸ ساباقتاس ەلدەر. بٸزدٸ جٸبەك جولى دەۋٸرٸنەن بەرٸ ورتاق قۇندىلىقتار بايلانىستىرادى. بٷگٸن جاعىپ وتىرعان شامدارىمىز ەكٸ حالىق اراسىنداعى دوستىقتىڭ سيمۆولى”, – دەدٸ قىتاي ەلشٸسٸ.
شارا بارىسىندا قىتايلىق جەنە قازاق مەدەنيەتٸنٸڭ ۇقساستىقتارى ەرەكشە اتالىپ ٶتتٸ. ەلشٸ قىتايدىڭ كٶكتەم مەرەكەسٸ جاقىندا يۋنەسكو-نىڭ ادامزاتتىڭ ماتەريالدىق ەمەس مەدەني مۇرالارى تٸزٸمٸنە ەنگٸزٸلگەنٸن ەسكە سالىپ, ونىڭ بەيبٸتشٸلٸك پەن كەلٸسٸمگە نەگٸزدەلگەنٸن ايتتى.
ايتا كەتەيٸك, قىتاي كٷنتٸزبەسٸ بويىنشا بيىل – جىلان جىلى. بۇل بەلگٸ قىتاي مەدەنيەتٸندە دانالىق پەن ٶمٸرشەڭدٸكتٸڭ سيمۆولى سانالادى. ەلشٸ ەكٸ ەل حالىقتارىن جاڭا جىلمەن قۇتتىقتاپ, قىتاي مەن قازاقستان اراسىنداعى دوستىق بايلانىستار ودان ەرٸ نىعايا بەرەتٸنٸنە سەنٸم بٸلدٸردٸ.
مەرەكەلٸك شارا تٷرلٸ-تٷستٸ شامداردى جاعۋمەن جەنە ۇلتتىق ٶنەر كٶرسەتٸلٸمدەرٸمەن اياقتالدى.
