Astanada Qytaidyń Qazaqstandaǵy elshiligi Qytai Jańa jylyna arnalǵan saltanatty shara uiymdastyrdy. Merekelik keshke diplomattar, mádeniet qairatkerleri jáne qoǵam belsendileri qatysyp, eki el arasyndaǵy dostyq pen yntymaqtastyqty nyǵaitýǵa baǵyttalǵan bastamalar talqylandy, dep habarlaidy Dalanews.kz.
Is-shara barysynda Qytaidyń dástúrli jaryq shamdary jaǵylyp, olardyń beibitshilik pen birliktiń simvolyna ainalǵany aityldy. Qytai elshisi óz quttyqtaýynda Qazaqstan men Qytai arasyndaǵy qarym-qatynastyń jańa kezeńge aiaq basqanyn atap ótti. Onyń aitýynsha, sońǵy jyldary eki memleket arasyndaǵy bailanys strategiialyq seriktestik deńgeiine kóterilip, jańa "Altyn otyz jyl" dáýiri bastaldy.
“Qytai men Qazaqstan – tarihy men mádenieti sabaqtas elder. Bizdi Jibek joly dáýirinen beri ortaq qundylyqtar bailanystyrady. Búgin jaǵyp otyrǵan shamdarymyz eki halyq arasyndaǵy dostyqtyń simvoly”, – dedi Qytai elshisi.
Shara barysynda qytailyq jáne qazaq mádenietiniń uqsastyqtary erekshe atalyp ótti. Elshi Qytaidyń Kóktem merekesi jaqynda IýNESKO-nyń Adamzattyń materialdyq emes mádeni muralary tizimine engizilgenin eske salyp, onyń beibitshilik pen kelisimge negizdelgenin aitty.
Aita keteiik, Qytai kúntizbesi boiynsha biyl – jylan jyly. Bul belgi Qytai mádenietinde danalyq pen ómirsheńdiktiń simvoly sanalady. Elshi eki el halyqtaryn jańa jylmen quttyqtap, Qytai men Qazaqstan arasyndaǵy dostyq bailanystar odan ári nyǵaia beretinine senim bildirdi.
Merekelik shara túrli-tústi shamdardy jaǵýmen jáne ulttyq óner kórsetilimderimen aiaqtaldy.
