استانادا قىتايدىڭ كٷز ورتاسى مەرەكەسٸنە جەنە قىتاي حالىق رەسپۋبليكاسىنىڭ قۇرىلعانىنا 77 جىل تولۋىنا ارنالعان «بٸر اي استىنداعى بٸرلٸك سەتٸ» اتتى كونتسەرت ٶتتٸ, دەپ حابارلايدى dalanews.kz.
قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ ساحناسىندا قازاقستان مەن قىتايدىڭ مۋزىكالىق دەستٷرلەرٸ توعىسىپ, كٶرەرمەنگە حالىق ەندەرٸ, ۆوكالدىق شىعارمالار جەنە ۇلتتىق اسپاپتاردىڭ ٷنٸ ۇسىنىلدى.
كٷز ورتاسى مەرەكەسٸ, ياعني چجۋنتسيۋتسزە – قىتايداعى دەستٷرلٸ مەرەكەلەردٸڭ بٸرٸ. ول اي كٷنتٸزبەسٸ بويىنشا سەگٸزٸنشٸ ايدىڭ 15-كٷنٸندە اتاپ ٶتٸلەدٸ. بيىل مەرەكە 25 قىركٷيەككە سەيكەس كەلەدٸ.
بۇل كٷن تولىق ايعا تاماشالاۋ, وتباسىمەن باس قوسۋ, اماندىق پەن مولشىلىق تٸلەۋ دەستٷرلەرٸمەن بايلانىستى. مەرەكەنٸڭ نەگٸزگٸ نىشاندارىنىڭ بٸرٸ – يۋەبين دەپ اتالاتىن دٶڭگەلەك پٸشٸندٸ اي بەلٸشتەرٸ. ول وتباسى بٸرلٸگٸ مەن باقىتتى بٸلدٸرەدٸ.
بيىل كٷز ورتاسى مەرەكەسٸ قىتايدىڭ تاعى بٸر ماڭىزدى داتاسى – 1 قازاندا اتاپ ٶتٸلەتٸن قىتاي حالىق رەسپۋبليكاسىنىڭ قۇرىلعان كٷنٸ قارساڭىندا ٶتٸپ وتىر. وسىعان بايلانىستى استاناداعى كونتسەرت ەكٸ مەرەكەنٸ قاتار قامتىپ, قازاقستان مەن قىتاي اراسىنداعى مەدەني بايلانىستى نىعايتۋعا باعىتتالعان ٸس-شارالاردىڭ بٸرٸنە اينالدى.
كەشتٸ اشقان قىتايدىڭ قازاقستانداعى ەلشٸسٸ حان چۋنلين مەرەكەنٸڭ تولىق ايمەن جەنە جاقىن ادامداردىڭ باس قوسۋىمەن بايلانىستى ەرەكشە سيمۆوليكاسىن اتاپ ٶتتٸ.
«التىن كٷز سالقىن سامالىن ەكەلٸپ, تٷنگٸ اسپاندا تولىق اي جارقىرايدى. ال كەشكٸ جٸبەك جولىنىڭ جەلٸ شىنايى دوستىقتىڭ جىلۋىن ٶزٸمەن بٸرگە الىپ كەلە جاتقانداي», – دەدٸ حان چۋنلين.
ەلشٸ كونتسەرتتٸ ۇيىمداستىرۋعا قولداۋ كٶرسەتكەن قازاقستاننىڭ مەدەنيەت جەنە اقپارات مينيسترلٸگٸنە العىس بٸلدٸردٸ.
كونتسەرت باعدارلاماسىندا ەكٸ ەلدٸڭ مۋزىكالىق دەستٷرلەرٸن بٸرٸكتٸرەتٸن شىعارمالارعا ەرەكشە ورىن بەرٸلدٸ. كەش قازاقتىڭ «جٷرەك» حالىق ەنٸ مەن قىتايدىڭ «كٷن قۋانا كٶتەرٸلٸپ كەلەدٸ» اتتى حالىق ەنٸ ورىندالعان دۋەتپەن باستالدى.
كەيٸن ٶنەرپازدار قازاقتىڭ «انا», «تۋعان جەردٸڭ بۇلتتارى» ەندەرٸن, سونداي-اق قىتايدىڭ بٸرقاتار حالىق شىعارمالارىن ورىندادى.
باعدارلاما ۆوكالدىق نٶمٸرلەرمەن عانا شەكتەلمەدٸ. كٶرەرمەندەر دەستٷرلٸ قىتايدىڭ ٸشەكتٸ اسپابى – پيپانىڭ, بامبۋك فلەيتاسىنىڭ, اككوردەون مەن سوقپالى اسپاپتاردىڭ ٷنٸن تىڭدادى. ساحنادا ەيەلدەر مەن ەرلەر ۆوكالدىق انسامبلدەرٸ دە ٶنەر كٶرسەتتٸ.
كونتسەرت باعدارلاماسىنا شىڭجاڭ حالىقتارىنىڭ ەندەرٸ مەن قىتايدىڭ ەر ٶڭٸرٸنٸڭ مۋزىكالىق مۇراسىن تانىستىراتىن شىعارمالار ەنگٸزٸلدٸ.
كەشتٸڭ بٸر بٶلٸگٸ ۇلى جٸبەك جولى بويىنداعى ەجەلگٸ دۋنحۋان قالاسىنىڭ مەدەنيەتٸنە ارنالعان «دۋنحۋان» انسامبلٸنٸڭ قويىلىمىنا ارنالدى. ٶنەرپازدار مۋزىكا ارقىلى موگاو ٷڭگٸرلەرٸ مەن دۋنحۋاننىڭ كٶركەم مۇراسىن تانىستىرىپ, شىعىس جەنە باتىس مۋزىكاسىنىڭ ەلەمەنتتەرٸن ٷيلەستٸردٸ.
چۋنتسين قالاسىنىڭ مەدەنيەت جەنە تۋريزمدٸ دامىتۋ كوميتەتٸ تٶراعاسىنىڭ ورىنباسارى لو سياوچۋن كونتسەرتتٸ قازاقستان مەن قىتاي اراسىنداعى مەدەني بايلانىستىڭ جالعاسى رەتٸندە باعالادى.
«بٷگٸنگٸ كٷز ورتاسى مەرەكەسٸنە ارنالعان كونتسەرت – ەكٸ مەملەكەت باسشىلارى اراسىنداعى ماڭىزدى ۋاعدالاستىقتاردىڭ جٷزەگە اسۋىنىڭ جارقىن كٶرٸنٸسٸ ەرٸ مەدەنيەت جىلىنىڭ ناقتى جالعاسى», – دەدٸ لو سياوچۋن.
2026 جىلدىڭ كٶكتەمٸندە قازاقستان مەن قىتايدىڭ مەدەنيەتارالىق جىلى جارييالانعان بولاتىن. ونىڭ اياسىندا ەكٸ ەل اراسىنداعى مەدەني-گۋمانيتارلىق بايلانىستى دامىتۋعا باعىتتالعان كونتسەرتتەر, كٶرمەلەر جەنە باسقا دا جوبالار ۇيىمداستىرىلىپ جاتىر.
قازاقستاننىڭ مەدەنيەت جەنە اقپارات ۆيتسە-مينيسترٸ ايبەك سىدىكوۆ تا ەكٸ ەل اراسىنداعى مەدەني ىنتىماقتاستىقتىڭ ماڭىزىن اتاپ ٶتتٸ. ونىڭ ايتۋىنشا, قازاقستان مەن قىتايدىڭ بايلانىسى ۇلى جٸبەك جولى بويىندا عاسىرلار بويى قالىپتاسىپ, بٷگٸندە جاڭا دەڭگەيگە كٶتەرٸلٸپ وتىر.
«قازاقستان مەن قىتاي اراسىنداعى مەدەني-گۋمانيتارلىق ىنتىماقتاستىق, ۇلى جٸبەك جولى بويىندا عاسىرلار بويى قالىپتاسقان بايلانىستار بٷگٸندە جاڭا دەڭگەيگە كٶتەرٸلدٸ», – دەدٸ ول.
كونتسەرتپەن قاتار كٶرەرمەندەر چۋنتسيننٸڭ دەستٷرلٸ قولٶنەرٸمەن دە تانىستى. اتاپ ايتقاندا, يۋنچۋانداعى دەرٸلٸك حوش يٸستٸ ٶنٸمدەر جاساۋ ٶنەرٸ تانىستىرىلدى. بۇل دەستٷردە جەرگٸلٸكتٸ چجاننان اعاشى شٶپتەر مەن حوش يٸستٸ ماتەريالدارمەن ٷيلەستٸرٸلەدٸ. شيكٸزات بٸرنەشە كەزەڭنەن ٶڭدەۋدەن ٶتەدٸ. قولٶنەر دەستٷرلٸ قىتاي مەديتسيناسى مەن حوش يٸس مەدەنيەتٸنٸڭ توعىسىندا قالىپتاسقان.
كٶرەرمەندەرگە يسيانداعى قاعازدان ٶرنەك قييۋ ٶنەرٸ دە ۇسىنىلدى. شەبەرلەر تٷرلٸ تٷستٸ قاعازداردى قايشىمەن قيىپ, گٷلدەر, قۇستار, ٷيلەنۋ تويىنا قاتىستى بەينەلەر, باقىت پەن ۇزاق عۇمىردىڭ سيمۆولدارىن جاسايدى. يسيان مەكتەبٸنە سيممەترييالى پٸشٸندەر مەن يٸرٸمدٸ سىزىقتار تەن. بۇل دەستٷر ۇرپاقتان ۇرپاققا جالعاسىپ كەلەدٸ.
كەش بارلىق ٶنەرپازداردىڭ «وتان ەنٸ» شىعارماسىن بٸرگە ورىنداۋىمەن اياقتالدى.
«بٸر اي استىنداعى بٸرلٸك سەتٸ» كونتسەرتٸ قازاقستان مەن قىتايدىڭ مەدەنيەتارالىق جىلى اياسىنداعى ٸس-شارالاردىڭ بٸرٸ بولدى. مۋزىكا مەن دەستٷرلٸ ٶنەر ارقىلى كٶرەرمەندەر چجۋنتسيۋتسزە مەرەكەسٸنٸڭ ەرەكشەلٸگٸمەن قاتار, چۋنتسين مەن قىتايدىڭ باسقا دا ٶڭٸرلەرٸنٸڭ مەدەني مۇراسىمەن تانىستى.
