پەداگوگتەردىڭ شىعارماشىلىق الەۋەتىن، ولاردىڭ كاسىبي دەڭگەيى مەن قۇزىرەتتەرىن دامىتۋ ءۇشىن جوعارى وقۋ ورىندارىندا پەداگوگيكالىق كادرلاردى دايارلاۋ عانا ەمەس، سونداي-اق جۇمىس ىستەپ تۇرعان پەداگوگتاردىڭ كاسىبي ءوسۋى دە ماڭىزدى.
تەك قاڭتار مەن تامىز ارالىعىندا 3 754 پەداگوگ پەن 42 مەكتەپ ديرەكتورى بىلىكتىلىكتى ارتتىرۋ كۋرستارىنان ءوتتى.
«مىڭ كوشباسشى» رەسپۋبليكالىق كادر رەزەرۆىنە ەلوردانىڭ 20 مەكتەپ ديرەكتورىنىڭ ورىنباسارى ەنىپ وتىر. سونىمەن قاتار وتكەن وقۋ جىلىندا 30 مەكتەپ ديرەكتورىنىڭ ورىنباسارى قاتارىنان كادرلىق رەزەرۆ قالىپتاستىرىلىپ، ولار قازان، قاراشا ايلارىندا MBI باعدارلاماسى بويىنشا وقىتىلاتىن بولادى.
جىل بويى ەلوردانىڭ 200-دەن استام مەكتەپ باسشىسى مەن پەداگوگتەرى سينگاپۋر، جاپونيا، گرۋزيا، فينليانديا مەملەكەتتەرىنىڭ وقۋ ورىندارىندا حالىقارالىق تاجىريبە الماسىپ، ءتيىمدى ءارى قولايلى كومپونەنتتەردى مەكتەپتەردىڭ وقۋ-تاربيە پروسەسىمەن ساباقتاستىرۋ ماقساتىندا تاعىلىمدامادان ءوتتى. بۇل تاجىريبە جاڭا وقۋ جىلىندا جالعاساتىن بولادى.
