Pedagogterdiń shyǵarmashylyq áleýetin, olardyń kásibi deńgeii men quzyretterin damytý úshin joǵary oqý oryndarynda pedagogikalyq kadrlardy daiarlaý ǵana emes, sondai-aq jumys istep turǵan pedagogtardyń kásibi ósýi de mańyzdy.
Tek qańtar men tamyz aralyǵynda 3 754 pedagog pen 42 mektep direktory biliktilikti arttyrý kýrstarynan ótti.
«Myń kóshbasshy» respýblikalyq kadr rezervine elordanyń 20 mektep direktorynyń orynbasary enip otyr. Sonymen qatar ótken oqý jylynda 30 mektep direktorynyń orynbasary qatarynan kadrlyq rezerv qalyptastyrylyp, olar qazan, qarasha ailarynda MBI baǵdarlamasy boiynsha oqytylatyn bolady.
Jyl boiy elordanyń 200-den astam mektep basshysy men pedagogteri Singapýr, Japoniia, Grýziia, Finliandiia memleketteriniń oqý oryndarynda halyqaralyq tájiribe almasyp, tiimdi ári qolaily komponentterdi mektepterdiń oqý-tárbie protsesimen sabaqtastyrý maqsatynda taǵylymdamadan ótti. Bul tájiribe jańa oqý jylynda jalǵasatyn bolady.
