استانا پروكۋراتۋراسى اقىلى اۆتوتۇراق قىزمەتىن كورسەتەتىن كومپانيانىڭ مۇگەدەكتىگى بار ادامداردان زاڭسىز تولەم العانىن انىقتادى، دەپ حابارلايدى Dalanews.kz.
«بايقوڭىر» اۋدانىنىڭ پروكۋراتۋراسى اكىمشىلىك اكتىلەردى زەردەلەۋ بارىسىندا اقىلى اۆتوتۇراق ايماقتارىندا جەڭىلدىگى بار ازاماتتاردان زاڭسىز تولەم الىنعانىن انىقتادى.
قولدانىستاعى ەرەجەلەرگە سايكەس، اقىلى اۆتوتۇراقتاردا ءبىرقاتار ازاماتتار تولەم جاساۋدان بوساتىلعان. ولاردىڭ قاتارىنا بالا كەزىنەن مۇگەدەكتىگى بار ادامدار، I جانە II توپتاعى مۇگەدەكتەر، «التىن قىران» جانە «حالىق قاھارمانى» وردەندەرىنىڭ يەگەرلەرى، سونداي-اق كوپبالالى انالار كىرەدى.
الايدا، تەكسەرىس ناتيجەسىندە كومپانيا مۇمكىندىگى شەكتەۋلى 63 ازاماتتان 524 مىڭ تەڭگە كولەمىندە زاڭسىز تولەم العانى بەلگىلى بولدى. قازىرگى ۋاقىتتا I جانە II توپتاعى مۇگەدەكتىگى بار ادامدارعا قاتىستى سالىنعان نۇسقامالار جويىلدى، دەپ مالىمدەدى استانا قالاسىنىڭ پروكۋراتۋراسى.
ەسكە سالا كەتەيىك، بۇعان دەيىن باس پروكۋراتۋرا استانا اكىمدىگى مەن اقىلى اۆتوتۇراق قىزمەتىن ۇسىناتىن كومپانيا اراسىنداعى كەلىسىمشارتتى زاڭسىز دەپ تاپقان بولاتىن.
