Astana prokýratýrasy aqyly avtoturaq qyzmetin kórsetetin kompaniianyń múgedektigi bar adamdardan zańsyz tólem alǵanyn anyqtady, dep habarlaidy Dalanews.kz.
«Baiqońyr» aýdanynyń prokýratýrasy ákimshilik aktilerdi zerdeleý barysynda aqyly avtoturaq aimaqtarynda jeńildigi bar azamattardan zańsyz tólem alynǵanyn anyqtady.
Qoldanystaǵy erejelerge sáikes, aqyly avtoturaqtarda birqatar azamattar tólem jasaýdan bosatylǵan. Olardyń qataryna bala kezinen múgedektigi bar adamdar, I jáne II toptaǵy múgedekter, «Altyn Qyran» jáne «Halyq qaharmany» ordenderiniń iegerleri, sondai-aq kópbalaly analar kiredi.
Alaida, tekseris nátijesinde kompaniia múmkindigi shekteýli 63 azamattan 524 myń teńge kóleminde zańsyz tólem alǵany belgili boldy. Qazirgi ýaqytta I jáne II toptaǵy múgedektigi bar adamdarǵa qatysty salynǵan nusqamalar joiyldy, dep málimdedi Astana qalasynyń prokýratýrasy.
Eske sala keteiik, buǵan deiin Bas prokýratýra Astana ákimdigi men aqyly avtoturaq qyzmetin usynatyn kompaniia arasyndaǵy kelisimshartty zańsyz dep tapqan bolatyn.
