استانادا 21 جاستاعى ازامات بۇرىنعى سٷيٸكتٸسٸن تۇراقتى تٷردە اڭدىپ, قوقان-لوقى كٶرسەتكەنٸ ٷشٸن 15 تەۋلٸككە ەكٸمشٸلٸك قاماۋعا الىندى. سونىمەن قاتار ول ستالكينگ بابىمەن قىلمىستىق جاۋاپكەرشٸلٸككە تارتىلۋى مٷمكٸن. بۇل تۋرالى جۋرناليست ميحايل كوزاچكوۆ مەلٸمدەدٸ, دەپ حابارلايدى Dalanews.kz.
جۋىردا استانا قالاسىنىڭ مامانداندىرىلعان اۋدانارالىق ەكٸمشٸلٸك قۇقىق بۇزۋشىلىقتار جٶنٸندەگٸ سوتىندا 2004 جىلى تۋعان بەكزات مۇراتبەككە قاتىستى ەكٸمشٸلٸك حاتتاما قارالعان.
سوت ماتەريالدارىنا سەيكەس, جاڭا جىل قارساڭىندا ول تۇرعىن ٷي اۋلاسىندا تانىس قىزىنا ايقايلاپ, كٶپشٸلٸكتٸڭ كٶزٸنشە بالاعات سٶزدەر ايتىپ, ار-نامىسىن قورلاعان. وقيعادان كەيٸن قىز بۇل جاعدايدى اتا-اناسىنا ايتىپ, پوليتسيياعا جٷگٸنگەن.
تەكسەرۋ بارىسىندا بەكزات مۇراتبەكتٸڭ كەيٸنگٸ ٷش اي بويى جەبٸرلەنۋشٸنٸ مازالاپ كەلگەنٸ انىقتالعان. ول قىزعانىش تانىتىپ, جانجال شىعارىپ, مەسسەندجەرلەر ارقىلى قورلايتىن حابارلامالار جولداعان, سونداي-اق بۇرىن ٶزٸنە جۇمسالعان اقشانى قايتارۋدى تالاپ ەتكەن.
بەلگٸلٸ بولعانداي, جٸگٸت اراسىندا كەشٸرٸم سۇراپ, تٷزەلۋگە ۋەدە بەرگەنٸمەن, ۋاقىت ٶتە كەلە ەرەكەتتەرٸن قايتا جالعاستىرعان. ول ٶزٸن پروكۋراتۋرا قىزمەتكەرٸ رەتٸندە تانىستىرىپ, قىزدى "تٷرمەگە وتىرعىزامىن" دەپ قورقىتقان. الايدا بۇل اقپاراتتىڭ شىندىققا جاناسپايتىنى انىقتالعان. مۇنداي ەرەكەتتەردٸڭ نەگٸزگٸ سەبەبٸ قىزعانىش بولعان.
ٸستٸ قاراعان سۋديا قارلىعاش جاقىپبەكوۆا بەكزات مۇراتبەكتٸ ۇساق بۇزاقىلىق جاساعانى ٷشٸن 15 تەۋلٸككە ەكٸمشٸلٸك قاماۋعا الۋ تۋرالى شەشٸم شىعاردى. سونىمەن قاتار قورعاۋ نۇسقاماسىنا سەيكەس وعان بٸر جىل بويى جەبٸرلەنۋشٸگە جاقىنداۋعا تىيىم سالىندى.
بۇدان بٶلەك, سوت استانا قالاسىنىڭ پوليتسييا دەپارتامەنتٸنە جەكە قاۋلى جولداپ, بەكزات مۇراتبەكتٸڭ ەرەكەتتەرٸنە قوسىمشا قۇقىقتىق باعا بەرۋدٸ تاپسىرعان.
سۋديانىڭ پٸكٸرٸنشە, ونىڭ ەرەكەتتەرٸندە قىلمىستىق كودەكستٸڭ 115-بابىندا كٶزدەلگەن ستالكينگ قىلمىسىنىڭ بەلگٸلەرٸ بار.
