ەلوردا كۇنى قارساڭىندا «عاشىقتار» اللەياسىندا «استانا ساقاسى» اسىق اتۋ ءتۋرنيرى ءوتتى،- دەپ حابارلايدى Dalanews.kz

جارىسقا ەكى جاس كاتەگورياسى بويىنشا ويىنشىلار قاتىستى. ءبىرىنشى توپ بويىنشا 12-16 جاستاعى 50 ءجاسوسپىرىم ب ا ق سىنادى. ولاردىڭ 30-ى ەر بالالار اسىق اتىپ، قالعان 20-سى قىزدار بەس اسىق ويناپ، جارىستى.

ەكىنشى توپ بويىنشا جارىس 17-دەن جوعارى ەرەسەكتەر اراسىندا ءوتتى. ولار اسىق اتۋدىڭ «بەس تابان» دەگەن ءتۇرىن ويناسا، ودان بولەك قالا تۇرعىندارى اراسىندا «بەسكەنە»، «جەتى اسىق» دەگەن تۇرلەرى دە ويناتىلدى. وليمپيادالىق جۇيەمەن وينالعان جارىستا جەڭىلگەندەر ويىننان شىعىپ وتىردى. جارىسقا وسى ويىننان جاتتىقتىرۋشى بولىپ جۇرگەن جانە جۇلدە مەن اتاقتار العان 12 تورەشى قازىلىق ەتتى.

«بۇل – تەك جارىس، باسەكە ەمەس. بۇل – ءبىزدىڭ ءداستۇرىمىز. اسىق اتۋ – ەرتەدەن كەلە جاتقان ۇلتتىق ويىنداردىڭ ءبىرى. اسىق بالانىڭ كىشكەنتاي كەزىنەن جۇيكە جۇيەسىن دۇرىس قالىپتاستىرىپ، ولاردى دالدىككە، ەپتىلىككە، ۇستامدىلىققا تاربيەلەيدى. بۇل 6 جاسار بالادان 60-تان اسقان اقساقالدارعا دەيىن وينايتىن ويىن. سونىڭ دالەلى رەتىندە بۇگىنگى تۋرنير سوڭىندا قالامىزدىڭ اقساقالدارى سوۆەتحان جانە ناعاشىبەك دەگەن اعالارىمىز دا اسىق اتۋ ويىنىنىڭ ۇلگىسىن كورسەتەدى. جالپى بۇگىنگى ماقسات قالا كۇنى قارساڭىندا تۇرعىندارعا جوعارى كوڭىل-كۇي سىيلاۋ»، – دەيدى اسىق اتۋ سپورتىنان اعا جاتتىقتىرۋشى، استانا قالالىق اسىق اتۋ فەدەراسياسىنىڭ ءتوراعاسى ەسكەندىر راحمەتوۆ.

تۋرنير جەڭىمپازدارىنا iPad جانە سمارتفون تارتۋ ەتىلدى. ويىن كەزىندە اسىقتاردىڭ تۇرلەرى قويىلعان كورمە ۇيىمداستىرىلدى. بۇگىندە استاناداعى 27 مەكتەپتە اسىق اتۋ فاكۋلتاتيۆتەرى تەگىن جۇمىس ىستەيدى.