بۇگىن 6 ماۋسىم استانا قالاسى كۇنىنە وراي ەلوردا اكىمى جەڭىس قاسىمبەك ءوزىنىڭ الەۋمەتتىك جەلىدەگى پاراقشاسىندا قالا تۇرعىندلارى مەن قوناقتارىن ايتۋلى مەرەكمەن قۇتتىقتادى، – دەپ حابارلايدى Dalanews.kz.
– قۇرمەتتى استانا قالاسىنىڭ تۇرعىندارى مەن قوناقتارى! ەلوردامىزدىڭ 26 جىلدىعى قۇتتى بولسىن!
قالامىزدىڭ قالىپتاسۋى مەن دامۋ جولىنىڭ ارتىندا قاشاندا سىزدەر تۇراسىزدار! سىزدەر ءتۇرلى سالالاردا ەڭبەك ەتىپ جۇرسىزدەر: بالالارعا ءبىلىم بەرۋ، ناۋقاستاردى ەمدەۋ، نىساندار سالۋ، ءتۋريزمدى دامىتۋ. ءارقايسىلارىڭىز قالامىزدىڭ دامۋىنا ولشەۋسىز ۇلەس قوسىپ جۇرسىزدەر.
استانامىز 300 مىڭ تۇرعىنى بار ارقا دالاسىنداعى شاعىن قالادان ءىرى مەگاپوليسكە اينالدى. ءقازىر قالادا 1،5 ميلليونعا جۋىق ادام تۇرادى.
قالامىزدى ودان ارى جايلى ەتۋ جولىندا جۇيەلى ءبىرقاتار ماسەلەنى شەشۋ ءۇشىن جۇمىس ىستەپ ءجۇرمىز. ولار – تىرشىلىكتى قامتاماسىز ەتۋ جۇيەلەرى، ينجەنەرلىك جانە جول ينفراقۇرىلىمى، ءبىلىم بەرۋ، سپورت جانە مەديسينا نىساندارى، قوعامدىق جانە اۋلالىق كەڭىستىكتەر نىساندارىنىڭ قۇرىلىسى.
بۇل كۇندەرى قالادا ونداعان ءتۇرلى ءىس-شارا ءوتىپ، جاڭا قوعامدىق جانە اۋلا كەڭىستىكتەرى اشىلىپ جاتىر.
استانا كۇنى قۇتتى بولسىن! سىزدەرگە زور دەنساۋلىق، مول باقىت، قاجىماس قايرات تىلەيمىن! – دەپ ەلوردا اكىمى جۇرەكجاردى تىلەگىن تۇرعىندارعا ارنادى.
