استانا حالىقارالىق اۋەجايى ەلباسى نۇرسۇلتان نازاربايەۆتىڭ ەسىمىمەن اتالاتىن بولدى. ق ر ۇكىمەتىنىڭ ءتيىستى قاۋلىسى بۇگىن رەسمي باق-تا جاريالاندى.

قازاقستان رەسپۋبليكاسى ۇكىمەتىنىڭ قاۋلىسى

2017 جىلعى 20 ماۋسىم №381 استانا، ۇكىمەت ءۇيى

استانا حالىقارالىق اۋەجايىن قايتا اتاۋ تۋرالى

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسىنىڭ زاڭى 10-بابىنىڭ 4-1) تارماقشاسىنا، «قازاقستان رەسپۋبليكاسىنىڭ اۋماعىنداعى اۋەجايلارعا، پورتتارعا، تەمىر جول ۆوكزالدارىنا، تەمىر جول ستانسالارىنا، مەتروپوليتەن ستانسالارىنا، اۆتوۆوكزالدارعا، اۆتوستانسالارعا، فيزيكالىق-گەوگرافيالىق جانە مەملەكەت مەنشىگىندەگى باسقا دا وبەكتىلەرگە اتاۋ بەرۋ، سونداي-اق ولاردى قايتا اتاۋ، ولاردىڭ اتاۋلارىنىڭ ترانسكريپسياسىن ناقتىلاۋ جانە وزگەرتۋ جانە مەملەكەتتىك زاڭدى تۇلعالارعا، جەكە ادامداردىڭ ەسىمىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 5 ناۋرىزداعى № 281 قاۋلىسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1.  استانا حالىقارالىق اۋەجايى «نۇرسۇلتان نازاربايەۆ حالىقارالىق اۋەجايى» بولىپ قايتا اتالسىن.

2.  وسى قاۋلى العاشقى رەسمي جاريالانعان كۇننەن باستاپ قولدانىسقا ەنگىزىلەدى. قازاقستان رەسپۋبليكاسى پرەمەر-مينيسترى ساعىنتايەۆ.

ايتا كەتەتىن جايت، استانا حالىقارالىق اۋەجايىنا نۇرسۇلتان نازاربايەۆتىڭ ەسىمىن بەرۋ تۋرالى باستامانى اۋەجاي ۇجىمى كوتەرگەن بولاتىن. سونداي-اق ەسكە سالايىق، ق ر تاۋەلسىزدىگىنىڭ 25 جىلدىعى دەكلاراسياسىندا ەلباسىنىڭ ەسىمىن ماڭىزدى نىسانداردا كورسەتۋ ۇسىنىلعان. دەكلاراسيادا : «ەل كونستيتۋسياسىندا تۇڭعىش پرەزيدەنت – ەلباسى نۇرسۇلتان ءابىش ۇلى نازاربايەۆتىڭ ءبىزدىڭ مەملەكەتىمىزدى قۇرۋداعى بىرەگەي ۇلەسىن اتاپ ءوتۋدى، ەلباسىنىڭ ەسىمىن ەلوردانىڭ اتاۋىندا جانە ەلىمىزدىڭ باسقا دا ماڭىزدى نىساندارىندا  كورسەتۋدى ۇسىنامىز. ءبىزدىڭ تۇتاس ماقساتىمىز – ەلباسى توڭىرەگىنە توپتاسىپ، ەڭ قىمبات قازىنامىز – تاۋەلسىز قازاقستاندى كوزىمىزدىڭ قاراشىعىنداي ساقتاپ جانە ۇرپاقتارىمىزعا اماناتتاپ، «ماڭگىلىك ەل» قۇندىلىقتارىن قاستەرلەۋ»، – دەلىنگەن ەدى.