Qazaqstan Respýblıkasy Úkimetiniń Qaýlysy
2017 jylǵy 20 maýsym №381 Astana, Úkimet úıi
Astana halyqaralyq áýejaıyn qaıta ataý týraly
«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasynyń Zańy 10-babynyń 4-1) tarmaqshasyna, «Qazaqstan Respýblıkasynyń aýmaǵyndaǵy áýejaılarǵa, porttarǵa, temir jol vokzaldaryna, temir jol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografıalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıpsıasyn naqtylaý jáne ózgertý jáne memlekettik zańdy tulǵalarǵa, jeke adamdardyń esimin berý qaǵıdalaryn bekitý týraly» Qazaqstan Respýblıkasy Úkimetiniń 1996 jylǵy 5 naýryzdaǵy № 281 qaýlysyna sáıkes Qazaqstan Respýblıkasynyń Úkimeti qaýly etedi:
1. Astana halyqaralyq áýejaıy «Nursultan Nazarbaev halyqaralyq áýejaıy» bolyp qaıta atalsyn.
2. Osy qaýly alǵashqy resmı jarıalanǵan kúnnen bastap qoldanysqa engiziledi. Qazaqstan Respýblıkasy premer-mınıstri Saǵyntaev.
Aıta ketetin jaıt, Astana halyqaralyq áýejaıyna Nursultan Nazarbaevtyń esimin berý týraly bastamany áýejaı ujymy kótergen bolatyn. Sondaı-aq eske salaıyq, QR Táýelsizdiginiń 25 jyldyǵy deklarasıasynda elbasynyń esimin mańyzdy nysandarda kórsetý usynylǵan. Deklarasıada : «El Konstıtýsıasynda Tuńǵysh prezıdent – elbasy Nursultan Ábishuly Nazarbaevtyń bizdiń memleketimizdi qurýdaǵy biregeı úlesin atap ótýdi, elbasynyń esimin elordanyń ataýynda jáne elimizdiń basqa da mańyzdy nysandarynda kórsetýdi usynamyz. Bizdiń tutas maqsatymyz – elbasy tóńiregine toptasyp, eń qymbat qazynamyz – táýelsiz Qazaqstandy kózimizdiń qarashyǵyndaı saqtap jáne urpaqtarymyzǵa amanattap, «Máńgilik el» qundylyqtaryn qasterleý», – delingen edi.
