– «استانا – ادالدىق الاڭى» كەڭسەلىك جوباسى ازىرلەگەن جاڭالىقتار مەديسينا مەكەمەلەرىنىڭ باسشىلارىنا تانىستىرىلدى. جوبا مەملەكەتپەن بىرلەسىپ ازاماتتارمەن بىرگە ارەكەت جاسايتىن بارلىق سالانى قامتيدى. ونىڭ مىندەتى اكىمشىلىك كەدەرگىلەردى بارىنشا بولدىرماۋعا ناقتى تۇردە كۇش سالۋدى كوزدەيدى. باستىسى – مەملەكەتتىك قىزمەت الاتىن ورىنداردى تۇرعىندار ءۇشىن جايلى ەتۋ، ياعني العاشقى مەديكو-سانيتارلىق كومەك كورسەتەتىن ۇيىمداردا مەديسينا قىزمەتىن ساپالى ەتۋ. ازاماتتار ءۇشىن قولايلى جاعداي جاساۋ، ءتۇرلى قارجىلاي شىعىنداردى ازايتۋ، ۋاقىتتا زايا كەتىرمەۋ جانە تەز ءارى دەر كەزىندە سيفرلىق تەحنولوگيا ارقىلى ءاربىر تۇرعىننىڭ كومەك الا ءبىلۋىن قامتاماسىز ەتۋ وتە ماڭىزدى، – دەدى اكىم كەزدەسۋدە.
كونفەرەنسياعا سونىمەن قاتار ق ر دەنساۋلىق ساقتاۋ ءمينيسترى ەلجان ءبىرتانوۆ، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ قاتىسىپ، مەديسينالىق قىزمەت كورسەتۋ سالاسىنداعى جاڭعىرتۋ بويىنشا اتقارىلعان جۇمىستار تۋرالى ايتتى.
– مەديسينالىق قىزمەتتى سيفرلاندىرۋدىڭ تيىمدىلىگىن ىسكە اسىرۋدىڭ بارىسى ەرەكشە ورىن الادى. بۇل تەك بىزدە، قازاقستاندا عانا وسى جولمەن ەمەس، ءقازىر بارلىق ەلدەر الەۋمەتتىك سالاسىن سيفرلاندىرىپ جاتىر. سيفرلاندىرۋدى ەمحانالاردان باستاۋ كەرەك. بۇل – ەڭ الدىمەن، حالىقتى تولعاندىراتىن نەمەسە ءوز دارىگەرىنە قالاي وڭاي بارۋعا بولادى دەگەن ماسەلە. وسىعان وراي، ءبىز ءقازىر دارىگەر تاڭداۋ، مەديسينا ۇيىمدارىن تاڭداۋ مۇمكىندىگىنە يە بولۋ ءۇشىن جاڭا كەشەندى مەديسينالىق اقپاراتتىق جۇيەگە اۋىسىپ جاتىرمىز. كۇن سايىن بىزدە التى مىڭ ادام تىركەلەدى، بۇل جىلىنا شامامەن ميلليون ادام. كوپتەگەن ادامدار بىرنەشە مەكەمەگە قاتارىنان تىركەلىپ العان، بۇل دەگەنىڭ اقشانىڭ اي سايىن باسقا جاققا كەتىپ جاتقاندىعىن كورسەتەدى. سول ءۇشىن الگىندەي فاكتىلەردى انىقتاۋدا مەديسينالىق ساقتاندىرۋ قورى جۇمىسىن باستادى، – دەدى دەنساۋلىق ساقتاۋ ءمينيسترى.
كەزدەسۋدە مەديسينالىق قىزمەت كورسەتۋ سالاسىنداعى جاڭالىق تانىستىرىلدى. ول بۇعان دەيىن دە قالانىڭ ءبىراز مەديسينا مەكەمەلەرىنە ەنگىزىلدى. مىسالى، ەمحانادا اقپاراتتىق بازادا ساقتاۋلى تۇرعان پاسيەنتتىڭ ەلەكتروندى قۇجاتى بار. دارىگەرگە كەلگەن كەزدە اۋرۋ تاريحى ءاردايىم قولجەتىمدى بولىپ تۇرادى. بۇل امبۋلاتوريالىق قاعاز كارتاسىن ساقتاۋدى قاجەت ەتپەيدى.
– بۇگىنگە دەيىن بارلىق ۆەدومستۆوعا قاراستى ۇيىمداردا اقپاراتتىق جۇيە ەنگىزىلدى. شتات 100% وقىتىلدى. كلينيكا ينتەرنەتپەن، كومپيۋتەرلىك تەحنيكامەن تولىقتاي جابدىقتالدى. وسى جۇمىستىڭ ناتيجەسىندە استانا حالقىنىڭ 93%-ىندا دەنساۋلىق تۋرالى ەلەكتروندى قۇجاتى بار. ول بولاشاقتا مەديسينالىق جازبالارمەن تولىعا تۇسەدى. بۇل بىزگە دياگنوزدى ناقتى قويۋعا، ساپالى ەمدەۋگە كومەك كورسەتەدى، – دەيدى قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ اكىمگە ەسەپ بەرۋىندە.
ونىڭ ايتۋىنشا، وسى جىلدان باستاپ ەمدىك پرەپاراتتاردى بەرۋ ەمحانالاردىڭ وزىندە جۇزەگە اسىرىلادى.
– وتكەن جىلى ءبىزدىڭ پاسيەنتتەر الدىمەن ەمحاناعا كەلىپ رەسەپتىن الىپ، ارى قاراي جەكەمەنشىك زەرتحاناعا بارسا، ءقازىر بۇل پروبلەما شەشىلگەن، پاسيەنت دارىگەرگە كەلگەن سوڭ رەسەپتىنى سول جەردە الىپ، مەدمەكەمەدەن كەتپەستەن دارىلىك پرەپاراتتاردى الا الادى. دارىمەن قامتاماسىز ەتۋگە قولجەتىمدىلىكتەن باسقا، بۇل بىزگە قاجەتتى جەتىسپەيتىن دارىلەردى ساتىپ الۋعا كەتەتىن 1 ميلليارد تەڭگەنى ۇنەمدەۋگە مۇمكىندىك بەردى، – دەدى نادىروۆ.
كەزدەسۋگە قاتىسۋشىلارعا پاسيەنتتەردىڭ ەمىن-ەركىن مەكەمەدەگى كابينەتتەردىڭ ورنالاسۋىن وڭاي تاۋىپ الۋعا مۇمكىندىك بەرەتىن ءينتۋيتيۆتى ناۆيگاسيا جۇيەسىن تانىستىردى. سونداي-اق ەمحانا زاماناۋي سيفرلى كيوسكىلەرمەن جابدىقتالدى، وندا ارنايى كونسۋلتانتتار تىلەك بىلدىرۋشىلەرگە ناۆيگاسيانى پايدالانۋدى ۇيرەتەدى.
مەكەمەنىڭ ءتورتىنشى قاباتىندا سيتۋاسيالىق ورتالىق سالىندى. ونىڭ ىشىندە كليەنتتەرگە باعىتتالعان قاعيدا بويىنشا جۇمىس ىستەيتىن جاڭارتىلعان ءساىى-ورتالىق بار. سيتۋاسيالىق ورتالىقتا ونلاين-رەجيمدە ەمحانانىڭ جۇكتەمەسىن انىقتاۋ بويىنشا قاجەتتى اقپاراتتار كورسەتىلگەن.
