اقتاۋدا كٶپبالالى ەكە ٷش ادامدى قۇتقارامىن دەپ قازا تاپتى, دەپ حابارلايدى Dalanews.kz.
ماڭعىستاۋ وبلىسىنداعى دەمالىس بازالارىنىڭ بٸرٸندە قايعىلى وقيعا بولدى: قۇرىق اۋىلىنىڭ 39 جاستاعى تۇرعىنى ەرلان شونتاباەۆ ٷش ادامدى قۇتقارىپ, ٶزٸ سۋعا باتىپ كەتتٸ.
كۋەگەرلەردٸڭ ايتۋىنشا, ەرلان دوستارىمەن بٸرگە دەمالىپ جاتقان. جاقىن ماڭدا ەكٸ قىز جەنە ەكٸ جٸگٸت تە تەڭٸز جاعاسىندا ۋاقىت ٶتكٸزٸپ وتىرعان. سولاردىڭ ٷشەۋٸ سۋعا تٷسٸپ, بٸراز ۋاقىتتان كەيٸن باتا باستاعان. قالعان بٸر جٸگٸت كٶمەك سۇراپ ايقايلاعان.
جاعدايدى بايقاعان ەرلان ەش ويلانباستان سۋعا سەكٸرٸپ, كٶمەككە ۇمتىلعان. قىزدار ٶز كٷشٸمەن جاعاعا شىققان. ال كۋەگەرلەردٸڭ سٶزٸنە قاراعاندا, ەرلان سۋعا باتىپ بارا جاتقان جٸگٸتتٸ قۇتقارۋعا تىرىسقاندا, ول ٷرەيلەنٸپ, ەرلاننىڭ اياعىنان ۇستاپ قالعان. وسىلايشا ەكەۋٸ دە سۋعا كەتكەن.
قايتىس بولعان ازاماتتىڭ ارتىندا جۇبايى مەن بەس بالاسى قالدى. ەڭ كەنجەسٸ – نەبەرٸ ٷش ايلىق.
قۇتقارۋشىلار ەرلاننىڭ دەنەسٸن جاعادان شامامەن 10 مەتر جەردەن تاپقان. ال 2001 جىلى تۋعان ەكٸنشٸ ادامنىڭ دەنەسٸ 1,5 مەتر تەرەڭدٸكتە انىقتالدى.
