Aqtaýda kópbalaly áke úsh adamdy qutqaramyn dep qaza tapty, dep habarlaidy Dalanews.kz.
Mańǵystaý oblysyndaǵy demalys bazalarynyń birinde qaiǵyly oqiǵa boldy: Quryq aýylynyń 39 jastaǵy turǵyny Erlan Shontabaev úsh adamdy qutqaryp, ózi sýǵa batyp ketti.
Kýágerlerdiń aitýynsha, Erlan dostarymen birge demalyp jatqan. Jaqyn mańda eki qyz jáne eki jigit te teńiz jaǵasynda ýaqyt ótkizip otyrǵan. Solardyń úsheýi sýǵa túsip, biraz ýaqyttan keiin bata bastaǵan. Qalǵan bir jigit kómek surap aiqailaǵan.
Jaǵdaidy baiqaǵan Erlan esh oilanbastan sýǵa sekirip, kómekke umtylǵan. Qyzdar óz kúshimen jaǵaǵa shyqqan. Al kýágerlerdiń sózine qaraǵanda, Erlan sýǵa batyp bara jatqan jigitti qutqarýǵa tyrysqanda, ol úreilenip, Erlannyń aiaǵynan ustap qalǵan. Osylaisha ekeýi de sýǵa ketken.
Qaitys bolǵan azamattyń artynda jubaiy men bes balasy qaldy. Eń kenjesi – nebári úsh ailyq.
Qutqarýshylar Erlannyń denesin jaǵadan shamamen 10 metr jerden tapqan. Al 2001 jyly týǵan ekinshi adamnyń denesi 1,5 metr tereńdikte anyqtaldy.
