ارىستى قايتا قالپىنا كەلتىرۋ بويىنشا سەكتورعا ءبولىنىپ اتقارىلعان جۇمىستار اياقتالىپ كەلەدى. سولتۇستىك قازاقستان وبلىسى مەن ورداباسى اۋدانىنا قاراستى قۇرىلىس نىساندارى تولىعىمەن اياقتاپ، ارىستىقتار قونىس تويىن تويلادى.

سولتۇستىك قازاقستان وبلىسى مەن ورداباسى اۋدانىنا بەكىتىلگەن قالاداعى 13 – سەكتور جەتەكشىلەرى سالتاناتتى شارا ۇيىمداستىرىپ، ارىستى قالپىنا كەلتىرۋ بويىنشا جۇرگىزىلگەن جۇمىستارىندا ەلەۋلى ەڭبەك ەتكەن جۇمىسشىلار مەن بەلسەندىلەر ماراپاتتالدى.

سالتاناتتى شاراعا سولتۇستىك قازاقستان وبلىسىنىڭ اكىمىنىڭ ورىنباسارى قايرات مۋستافين مەن ورداباسى اۋدانىنىڭ اكىمى الىپبەك وسەربايەۆ قاتىسىپ، تۇرعىندارمەن كەزدەستى.

اكىمدىك وكىلدەرى تۇرعىنداردى ۇيلەرىنە بارىپ قۇتتىقتاپ، ولارعا تۇرمىستىق تەحنيكا سىيعا تارتتى.

سولتۇستىك قازاقستان وبلىسى مەن ورداباسى اۋدانىنا بىرلەسە وتىرىپ 13-سەكتورعا بەكىتىلگەن 17 كوشەدەگى 371 تۇرعىن ءۇيدىڭ جاعدايىن زەردەلەپ، زاقىم كەلگەن 198 باسپانانىڭ جوندەلۋىنە كۇش سالدى.

سونداي-اق اتاۋلى الەۋمەتتىك كومەككە قۇجاتتار راسىمدەۋ ءۇشىن دە ءتيىستى ماماندار ءبولىنىپ، جۇمىس جۇرگىزىلگەن. بۇل اۋماق بويىنشا ءبىر جولعى بەرىلەتىن جاردەم اقى بارلىق 18 جاسقا تولعان 954 تۇرعىنعا بانك كارتوچكالارى ارقىلى تاراتىلىپ بەرىلدى.

ارىستاعى توتەنشە جاعدايدان سوڭ قالانى قالپىنا كەلتىرۋ بويىنشا 17 سەكتورعا ءبولىنىپ قىزۋ قۇرىلىس جۇمىستارى جۇرگىزىلدى. بۇگىنگى تاڭدا، جالپى 9 سەكتور وزدەرىنە قاراستى ايماقتاعى جۇمىستاردى اياقتاپ، قالا تۇرعىندارىنا قۋانىش سىيلادى.

 

تۇركىستان وبلىسى اكىمىنىڭ باسپا ءسوز قىزمەتى