اقتٶبەدە 50-گە جۋىق ٷلەسكەر بەس جىلدان بەرٸ باسپاناسىنا قول جەتكٸزە الماي جٷر. ولار بٷگٸن تاڭەرتەڭ وبلىس ەكٸمدٸگٸنٸڭ الدىنا جينالىپ, بيلٸكتەن مەسەلەنٸ شەشۋدٸ تالاپ ەتتٸ,- دەپ حابارلايدى Dalanews.kz كتك ارناسىنا سٸلتەمە جاساپ.
ٷلەسكەرلەردٸڭ ايتۋىنشا, قالا ورتاسىندا سالىنۋى تيٸس تۇرعىن ٷي كەشەنٸنە ميلليونداعان قارجىسىن قۇيعان. الايدا قۇرىلىستى جٷرگٸزگەن “سافين” كومپانيياسىنىڭ باسشىلارى الاياقتىق ٷشٸن سوتتالعان, كەيٸن تاعى بٸر ينۆەستور دا تٷرمەگە تٷسكەن. تٶرت قابىرعاسى تۇرعىزىلعان نىسان سول كٷيٸ قاڭىراپ بوس تۇر.
"25 ميلليون سالدىم. بەسٸنشٸ جىلعا كەتٸپ وتىر. سوندا كٸم شەشٸپ بەرەدٸ, سونى ايتىڭىزدارشى?! سول ٷشٸن ەكٸمدٸكتٸڭ الدىنا كەلٸپ وتىرمىز. جەرٸمٸزدٸ, ٷيٸمٸزدٸ شەشٸپ بەرسٸن", — دەيدٸ مەرزييا جەكسەنعاليەۆا ەسٸمدٸ ٷلەسكەر.
تۇرعىنداردىڭ سٶزٸنشە, قۇرىلىس قايتا جاندانار شاقتا جەردٸڭ جەكە يەسٸ پايدا بولىپ, جاعداي تاعى دا تىعىرىققا تٸرەلگەن.
اقتٶبە وبلىسى قۇرىلىس باسقارماسىنىڭ باس مامانى ايدوس جولامانوۆ بۇل مەسەلە قازٸر قىلمىستىق ٸستٸڭ تەرگەلۋٸنە بايلانىستى شەشٸلمەي وتىرعانىن ايتتى.
"قىلمىستىق ٸس اياقتالعاننان كەيٸن جەر مەسەلەسٸ شەشٸلەدٸ. سودان سوڭ عانا نىسان اقتٶبە قۇرىلىس كومپانيياسىنا اۋدارىلىپ, جۇمىس باستالادى", — دەدٸ ول.
