Aqtóbede 50-ge jýyq úlesker bes jyldan beri baspanasyna qol jetkize almai júr. Olar búgin tańerteń oblys ákimdiginiń aldyna jinalyp, bilikten máseleni sheshýdi talap etti,- dep habarlaidy Dalanews.kz KTK arnasyna silteme jasap.
Úleskerlerdiń aitýynsha, qala ortasynda salynýy tiis turǵyn úi keshenine milliondaǵan qarjysyn quiǵan. Alaida qurylysty júrgizgen “Safin” kompaniiasynyń basshylary alaiaqtyq úshin sottalǵan, keiin taǵy bir investor da túrmege túsken. Tórt qabyrǵasy turǵyzylǵan nysan sol kúii qańyrap bos tur.
"25 million saldym. Besinshi jylǵa ketip otyr. Sonda kim sheship beredi, sony aityńyzdarshy?! Sol úshin ákimdiktiń aldyna kelip otyrmyz. Jerimizdi, úiimizdi sheship bersin", — deidi Márziia Jeksenǵalieva esimdi úlesker.
Turǵyndardyń sózinshe, qurylys qaita jandanar shaqta jerdiń jeke iesi paida bolyp, jaǵdai taǵy da tyǵyryqqa tirelgen.
Aqtóbe oblysy qurylys basqarmasynyń bas mamany Aidos Jolamanov bul másele qazir qylmystyq istiń tergelýine bailanysty sheshilmei otyrǵanyn aitty.
"Qylmystyq is aiaqtalǵannan keiin jer máselesi sheshiledi. Sodan soń ǵana nysan Aqtóbe qurylys kompaniiasyna aýdarylyp, jumys bastalady", — dedi ol.
