اقتوبەدە قارۋ-جاراق دۇكەندەرى مەن ۇقك عيماراتىنىڭ جولى جابىلدى. الماتىداعى لاڭكەستىك وقيعادان كەيىن وڭىردەگى قۇقىق قورعاۋشىلار كۇشەيتىلگەن تاپتىپتە جۇمىسقا كىرىستى، دەپ حابارلايدى Bnews.kz ءتىلشىسى.

اقتوبە قالاسىنداعى بىرنەشە عيماراتتى ءقازىر پوليسيا قىزمەتكەرلەرى كۇزەتىپ تۇر. ماسەلەن، 5 ماۋسىم كۇنى لاڭكەستىك توپ شابۋىل جاساعان «پانتەرا» قارۋ-جاراق دۇكەنى بۇگىن جابىلدى. جول-پاترۋلدىك پوليسياسى ارنايى كۇزەتتى كۇشەيتتى. مۇندا سۋرەتكە، بەينەكامەراعا تۇسىرۋگە تىيىم سالىنعان. سونداي-اق، ۇلتتىق قاۋىپسىزدىك كوميتەتىنىڭ وبلىستىق دەپارتامەنتى مەن قالالىق ىشكى ىستەر باسقارماسى ورنالاسقان جانقوجا باتىر كوشەسىندەگى كولىك قوزعالىسى شەكتەلدى. كوشەنىڭ ەكى باسىنا پوليسيا قىزمەتكەرلەرى كۇزەتكە قويىلعان. قوعامدىق كولىكتەردىڭ جول قوزعالىسى وزگەردى.