اقتٶبەدە 33 جاستاعى ەر ادامنىڭ ٶلٸمٸنە قاتىستى ٸس بويىنشا سوت ٷكٸمٸ جارييالاندى, دەپ حابارلايدى Dalanews.kz.
سوتتالۋشى كسەنييا سەدوۆا «اففەكت كٷيٸندە جاسالعان كٸسٸ ٶلتٸرۋ» بابى بويىنشا كٸنەلٸ دەپ تانىلىپ, 1 جىل 6 ايعا باس بوستاندىعىنان ايىرىلدى, الايدا امنيستيياعا ٸلٸنٸپ, سوت زالىنان بوساتىلدى.
وقيعا 2025 جىلدىڭ سەۋٸر ايىندا بولعان. تەرگەۋ دەرەگٸنە سەيكەس, ەرلٸ-زايىپتىلار اراسىنداعى جانجال كەزٸندە ەيەل كٷيەۋٸنە پىشاق سۇعىپ, سالدارىنان ول كٶز جۇمعان. العاشىندا كسەنييا سەدوۆاعا قاتىستى قىلمىستىق ٸس قوزعالىپ, ول قاماۋعا الىنعان. كەيٸن ٸس «اففەكت كٷيٸندە جاسالعان كٸسٸ ٶلتٸرۋ» بابىنا قايتا سارالانىپ, امنيستيياعا بايلانىستى بوساتىلعان. الايدا تەرگەۋ قايتا جاندانىپ, پروكۋراتۋرا ونى قاساقانا ادام ٶلتٸرۋ بابى بويىنشا ايىپتاپ, ٸس مامانداندىرىلعان قىلمىستىق سوتقا جولدانعان.
سوتتا ايىپتالۋشى كٷيەۋٸن قاساقانا ٶلتٸرۋ نيەتٸ بولماعانىن, ۇزاق ۋاقىت بويى زورلىق-زومبىلىق كٶرگەنٸن ايتتى. ونىڭ سٶزٸنشە, 2025 جىلعى 29 سەۋٸردە كٷيەۋٸ ماس كٷيٸندە بالاعاتتاپ, ۇرىپ-سوققان, تۇنشىقتىرعان. قورقىنىش پەن شاراسىزدىق جاعدايىندا ول ٶزٸن قورعاۋ ٷشٸن پىشاق العان.
ايىپتالۋشى وقيعادان كەيٸن كٷيەۋٸنە العاشقى كٶمەك كٶرسەتٸپ, جەدەل جەردەم شاقىرعانىن العا تارتتى. بۇل ونىڭ ٶلتٸرۋ نيەتٸ بولماعانىن كٶرسەتەدٸ دەپ مەلٸمدەدٸ قورعاۋشىسى.
سوتتا كۋەگەرلەر كسەنييانىڭ كٷيەۋٸ تاراپىنان جٷيەلٸ تٷردە زورلىق كٶرگەنٸن ايتقان. ەرٸپتەستەرٸ ونىڭ دەنەسٸندەگٸ كٶگەرگەن ٸزدەردٸ بٸرنەشە رەت بايقاعاندارىن جەتكٸزگەن. سوت-مەديتسينالىق ساراپشىلار دا ايىپتالۋشى پىشاق سالعان سەتتە اففەكت كٷيٸندە بولعانىن مەلٸمدەگەن.
سوت جارىسسٶزٸندە مەملەكەتتٸك ايىپتاۋشى قاساقانا ادام ٶلتٸرۋ ايىبىنان باس تارتىپ, ٸستٸ «اففەكت كٷيٸندە جاسالعان كٸسٸ ٶلتٸرۋ» بابىنا قايتا سارالاۋدى سۇراعان. سونىمەن قاتار 1 جىل 6 اي باس بوستاندىعىنان ايىرۋ جازاسىن تاعايىنداپ, «امنيستييا تۋرالى» زاڭعا سەيكەس بوساتۋدى ۇسىنعان.
سۋديا سەيتجاپاروۆ ٷكٸمدٸ جارييالاي وتىرىپ, ايىپتالۋشىنىڭ ەرەكەتٸ ۇزاق ۋاقىتقا سوزىلعان پسيحولوگييالىق قىسىم مەن زورلىق-زومبىلىق سالدارىنان تۋىنداعان كٷشتٸ جان كٷيزەلٸسٸ جاعدايىندا جاسالعانىن اتاپ ٶتتٸ. اتالعان باپ ورتاشا اۋىر قىلمىس ساناتىنا جاتادى جەنە وعان ٷش جىلعا دەيٸن باس بوستاندىعىن شەكتەۋ نەمەسە ايىرۋ جازاسى قاراستىرىلعان.
سوت شەشٸمٸمەن كسەنييا سەدوۆا 5 ملن تەڭگە مورالدىق ٶتەماقى تٶلەۋگە مٸندەتتەلدٸ. جەبٸرلەنۋشٸ تاراپ 20 ملن تەڭگە سۇراعان.
مارقۇمنىڭ اناسى سوتتا ۇلىن «قۇبىجىق ەتٸپ كٶرسەتٸپ جاتىر» دەپ مەلٸمدەدٸ. ونىڭ ايتۋىنشا, ۇلى جۇمىس ٸستەگەن, ٸشٸمدٸككە سالىنباعان, ال ەرلٸ-زايىپتىلار اراسىنداعى جانجالعا ەيەلدٸڭ ٶزٸ دە سەبەپ بولعان.
ٷكٸم زاڭدى كٷشٸنە ەنگەن جوق.
ايتا كەتەيٸك, بۇل ٸس رەسپۋبليكا كٶلەمٸندە كەڭ رەزونانس تۋدىردى. كسەنييا سەدوۆانى تۇرمىستىق زورلىق-زومبىلىق قۇرباندارىنا كٶمەك كٶرسەتەتٸن «نە مولچي» قورىنىڭ قۇقىق قورعاۋشىلارى قولداعان.
