اقتٶبە وبلىسىنىڭ بايعانين اۋدانىندا قاتتى جەل سالدارىنان جەرگٸلٸكتٸ دەڭگەيدەگٸ تابيعي سيپاتتاعى تٶتەنشە جاعداي جارييالاندى, دەپ حابارلايدى dalanews.kz.
وبلىس ەكٸمدٸگٸ مەلٸمەتٸنشە, قاتتى جەل اۋدان ورتالىعىنداعى جەكە تۇرعان بٸر قاباتتى دٷكەننٸڭ شاتىرىنا تەمٸر بايلانىس مۇناراسى قۇلاۋىنا سەبەپ بولعان. وقيعا سالدارىنان ٷش ادام زارداپ شەگٸپ, اۋداندىق اۋرۋحانادا مەديتسينالىق كٶمەك العان.
قولايسىز اۋا رايىنان ٶڭٸردەگٸ باسقا دا نىساندارعا زاقىم كەلگەن.
جاعدايدى زەردەلەۋ نەتيجەسٸندە بايعانين اۋدانىندا جەرگٸلٸكتٸ دەڭگەيدەگٸ تابيعي سيپاتتاعى تٶتەنشە جاعداي رەجيمٸن ەنگٸزۋ تۋرالى شەشٸم قابىلدانعان.
وبلىس ەكٸمٸ اسحات شاحاروۆتىڭ تاپسىرماسىمەن اۋدانعا وبلىس ەكٸمٸنٸڭ ورىنباسارى عالىمجان ەلەۋوۆ بارىپ, بٷلٸنگەن نىساندى قاراپ, ەلەكتر جەلٸلەرٸن قالپىنا كەلتٸرۋ جۇمىستارىنىڭ بارىسىمەن تانىستى.
"ەنەرگوجٷيە" جشس مەلٸمەتٸنشە, كٷن كٷرت بۇزىلۋىنا بايلانىستى جەدەل شتاب قۇرىلعان. قاراۋىلكەلدٸ اۋىلىندا ەلەكترمەن جابدىقتاۋدى قالپىنا كەلتٸرۋ جۇمىستارى جالعاسىپ جاتىر.
بارلىق جاۋاپتى قىزمەت كٷشەيتٸلگەن جۇمىس تەرتٸبٸنە كٶشٸرٸلگەن.
وبلىس ەكٸمٸنٸڭ ورىنباسارى جاعداي اسحات شاحاروۆتىڭ جەكە باقىلاۋىندا ەكەنٸن ايتتى. ونىڭ سٶزٸنشە, اۋدانعا ارنايى كوميسسييا جٸبەرٸلگەن, ال زارداپ شەككەندەرگە زاڭناماعا سەيكەس قاجەت كٶمەك كٶرسەتٸلەدٸ.
