كەزدەسۋ بارىسىندا «AMANAT» پارتياسىنىڭ سايلاۋالدى باعدارلاماسىنىڭ نەگىزگى باعىتتارى ءتۇسىندىرىلدى. ەرلان سۇلتانگەرەيەۆ جينالعاندارعا كاسىبي مەديسينالىق كومەكتىڭ قولجەتىمدىلىگىنە توقتالدى.
– «AMANAT» پارتياسى وبلىستا 42 دەنساۋلىق ساقتاۋ نىسانىنىڭ قۇرىلىسىن جۇرگىزۋگە قول جەتكىزەدى. ونىڭ ىشىندە اۋداندىق اۋرۋحانالار، فەلدشەرلىك پۋنكتەر مەن دارىگەرلىك امبۋلاتوريالار بار. مەديسينالىق كومەك اۋىل تۇرعىندارىنا جىلدام ءارى قولجەتىمدى بولۋى كەرەك.
وسى ورايدا ءبىز 35 اۋرۋحانانى كۇردەلى جوندەۋدەن وتكىزۋدى قامتاماسىز ەتەمىز، زاماناۋي رەنتگەن اپپاراتتارى جانە باسقا دا قاجەتتى قۇرال-جابدىقتار ساتىپ الامىز. ءبىزدىڭ ماقساتىمىز — سىزدەرگە جاعداي جاساۋ. «اماNات» بارلىعىنا تەڭ مۇمكىندىكتەر تۋدىرادى، – دەي كەلە ەرلان سۇلتانگەرەيەۆ مەديسينا قىزمەتكەرلەرىن پارتيا كانديداتتارىنا داۋىس بەرۋگە شاقىردى.
اينۇر باقتىعالييەۆا مەن نۇريلا جاربولوۆا ءبىلىم سالاسىندا قانداي وزگەرىستەر بولاتىنىن، حالىققا قانداي الەۋمەتتىك قولداۋ كورسەتىلەتىنىن ايتتى.
– وبلىستا 6 ءۇش اۋىسىمدى جانە 6 اپاتتى مەكتەپ بار. ءبىلىم بەرۋ مەكەمەلەرىندە وقۋشىلارعا ورىن تاپشى. ءبىز الداعى ۋاقىتتا وڭىردە 40 جاڭا مەكتەپتىڭ سالىنۋعا قول جەتكىزەمىز، ونىڭ 19-ى اۋىل-ايماقتاردا بوي كوتەرەدى.
ءبىزدىڭ پارتيانىڭ مىندەتى – وبلىستاعى بارلىق بالالاردىڭ ءبىلىم الۋىنا تەڭ مۇمكىندىك جاساپ، ولاردىڭ وقۋىنا قولايلى جاعداي جاساۋ. سوندىقتان بالالاردىڭ جارقىن بولاشاعى ءۇشىن «AMANAT» پارتياسىنا داۋىس بەرىڭىزدەر! – دەپ نۇريلا جاربولوۆا جينالعانداردى پارتيا كانديداتتارىن قولداۋعا شاقىردى.
اقتوبە وبلىستىق ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.
