Kezdesý barysynda «AMANAT» partıasynyń saılaýaldy baǵdarlamasynyń negizgi baǵyttary túsindirildi. Erlan Sultangereev jınalǵandarǵa kásibı medısınalyq kómektiń qoljetimdiligine toqtaldy.
– «AMANAT» partıasy oblysta 42 densaýlyq saqtaý nysanynyń qurylysyn júrgizýge qol jetkizedi. Onyń ishinde aýdandyq aýrýhanalar, feldsherlik pýnkter men dárigerlik ambýlatorıalar bar. Medısınalyq kómek aýyl turǵyndaryna jyldam ári qoljetimdi bolýy kerek.
Osy oraıda biz 35 aýrýhanany kúrdeli jóndeýden ótkizýdi qamtamasyz etemiz, zamanaýı rentgen apparattary jáne basqa da qajetti qural-jabdyqtar satyp alamyz. Bizdiń maqsatymyz — sizderge jaǵdaı jasaý. «AMANAT» barlyǵyna teń múmkindikter týdyrady, – deı kele Erlan Sultangereev medısına qyzmetkerlerin partıa kandıdattaryna daýys berýge shaqyrdy.
Aınur Baqtyǵalıeva men Nurıla Jarbolova bilim salasynda qandaı ózgerister bolatynyn, halyqqa qandaı áleýmettik qoldaý kórsetiletinin aıtty.
– Oblysta 6 úsh aýysymdy jáne 6 apatty mektep bar. Bilim berý mekemelerinde oqýshylarǵa oryn tapshy. Biz aldaǵy ýaqytta óńirde 40 jańa mekteptiń salynýǵa qol jetkizemiz, onyń 19-y aýyl-aımaqtarda boı kóteredi.
Bizdiń partıanyń mindeti – oblystaǵy barlyq balalardyń bilim alýyna teń múmkindik jasap, olardyń oqýyna qolaıly jaǵdaı jasaý. Sondyqtan balalardyń jarqyn bolashaǵy úshin «AMANAT» partıasyna daýys berińizder! – dep Nurıla Jarbolova jınalǵandardy partıa kandıdattaryn qoldaýǵa shaqyrdy.
Aqtóbe oblystyq máslıhaty depýtattarynyń saılaýynda partıalyq tizimdi usynǵan «AMANAT» partıasy saılaý qorynyń qarajatynan tólendi.
