شاراعا اقتوبە وبلىسى اكىمى وڭداسىن ورازالين، ق ر قازاقستان حالقى اسسامبلەياسى ءتوراعاسىنىڭ ورىنباسارى مارات ءازىلحانوۆ، كورەيا رەسپۋبليكاسىنىڭ توتەنشە جانە وكىلەتتى ەلشىسى كۋ حونگ-سوك، كورەيا رەسپۋبليكاسى ەلشىسىنىڭ كونسۋلى
كيم ۆون يون بيكەش، قازاقستان حالقى اسسامبلەياسىنىڭ مۇشەلەرى، ەتنو مادەني بىرلەستىكتەردىڭ ءتوراعالارى قاتىستى.
كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى كۋ حونگ-سوك قۇتتىقتاۋ سوزىندە:
– وسىدان 85 جىل بۇرىن ستالين ۇكىمەتىنىڭ بۇيرىعىمەن كارىستەر قيىر شىعىستا پويىزعا وتىرعىزىلىپ قازاقستانعا كۇشتەپ قونىس اۋدارىلعان. سول كەزدە قازاقستان حالقى اشارشىلىق پەن شارۋاشىلىقتى ۇيىمداستىرۋ سالدارىنان قيىن جاعدايدا بولعانىمەن كارىستەرگە باسپانا، كيىم-كەشەك، ازىق-تۇلىك جاعىنان كومەك قولىن سوزىپ، ولاردى جاڭا جاقىن كورشى، وتباسى مۇشەسى رەتىندە قارسى الدى.
بۇگىنگى العىس ايتۋ ەسكەرتكىشىنىڭ اشىلۋ سالتاناتى كارىستەردىڭ 85 جىل وتكەن سوڭ قازاقستان حالقىنىڭ ىنتىماقتاستىعىنىڭ اسقاق رۋحىن ەسكە الىپ العىسىن ءبىلدىرۋ ءۇشىن دايىندالعان شارا، – دەپ اتاپ ءوتتى.
ءوز كەزەگىندە وبلىس اكىمى ەلشىگە ءبىزدىڭ وڭىرگە مەرەكەگە وراي كەلگەنى ءۇشىن ريزاشىلىعىن ءبىلدىردى.
– العىس ايتۋ كۇنى – قازاقستاندىقتاردان قولداۋ تاپقان مەيىرىمدىلىكتىڭ، ءوزارا سىيلاستىقتىڭ، دوستىق پەن ىنتىماقتاستىقتىڭ مەرەكەسى. اقتوبە وبلىسىندا العىس ايتۋ كۇنى بولعان جارقىن وقيعا - اتالمىش ەسكەرتكىشتىڭ اشىلۋى بولدى. بۇل ءبىزدىڭ حالىققا دەگەن شىنايى ريزاشىلىقتىڭ كۋاسى. قۇرمەتتى ەلشى، اقتوبە ءوڭىرىنىڭ تۇرعىندارى اتىنان سىزگە جانە ءسىز ارقىلى كورەيا رەسپۋبليكاسىنىڭ بۇكىل حالقىنا العىسىمدى بىلدىرەمىن! – دەدى وبلىس اكىمى وڭداسىن ورازالين.
جينالعانداردى العىس ايتۋ كۇنىمەن سونداي-اق، قازاقستان حالقى اسسامبلەياسى ءتوراعاسىنىڭ ورىنباسارى مارات ءازىلحانوۆ تا قۇتتىقتاپ، قازاقستان حالقى اسسامبلەياسى مەن ەتنومادەني بىرلەستىكتەردىڭ ءبىرقاتار مۇشەسىن ماراپاتتادى.
اقتوبە وبلىسىنىڭ كارىستەرى اتىنان «قازاق حالقىنا العىس» مۇسىندىك كومپوزيسياسى – قازاق جانە كارىس ايەلدەرىنىڭ مۇسىندەرى جاسالعان ەسكەرتكىش.
قازاق ايەلى كارىس ايەلىنە قازاقي قوناقجايلىلىقتىڭ بەلگىسى رەتىندە كەسەمەن قىمىز ۇسىنىپ تۇر. بۇل دەپورتاسيانىڭ اۋىر كەزىندە مىڭداعان كارىستىڭ امان قالۋىنا كومەكتەسكەن. ايەلدەردىڭ ارتىنداعى شاڭىراقتى ۇستاپ تۇرعان اق قۇستىڭ ستيلدەنگەن قاناتتارى – قازاق ۇيلەرىنىڭ بەلگىسى. كومپوزيسيانىڭ جالپى بيىكتىگى – 4،7 مەتر، ەنى – 4،5 مەتر.
